ვახტანგ ფარესიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-თბოენერგეტიკოსის კვალიფიკაციით 1969 წელს.

1968 წლიდან მუშაობდა პოლიტექნიკური ინსტიტუტის თბოტექნიკის კათედრაზე; 1970 წლიდან - "საქმთავარენერგოში" რიგით ინჟინრად, თბოტექნიკური სამსახურის უფროსად; 1979 წლიდან - საქართველოს კპ ცენტრალურ კომიტეტში მრეწველობის განყოფილებაში ინსტრუქტორი, კურირებდა ენერგეტიკას; 1987-1993წწ. - "საქმთავარენერგოს" უფროსის მოადგილე; 1993-1995წწ. - კონცერნ "ძელქვას" გენერალური დირექტორი; 1996 წლიდან - საქართველოს სახელმწიფო კანცელარიის მთავარი სახელმწიფო მრჩეველი; სათბობ-ენერგეტიკული კომპლექსის განყოფილების უფროსი; 1997 წლიდან - სკ "საქენერგოში" გენერალური დირექტორის მოადგილე; 1998-2002წწ. - სს "ელექტროგადაცემის" გენერალური დირექტორის მოადგილე; 2002-2004წწ. - შპს "საქართველოს სახელმწიფო ელექტროსისტემაში" საფინანსო-ეკონომიკური სამსახურის უფროსი; 2004-2005წწ. - ენერგეტიკის სამინისტროს ენერგოზედამხედველობისა და სათბობის ხარისხის დეპარტამენტში სამსახურის უფროსი; 2006-2009წწ. დაკავებული იყო კერძო ბიზნესით; 2009-2010წწ. - სს "თბილსრესის" საწარმოო-ტექნიკური განყოფილება. მიღებული აქვს მთავრობის ჯილდოები და სერტიფიკატი ენერგეტიკის რეფორმების საკითხებზე.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.323