გივი ფირანიშვილი

დაბადების ადგილი: სოფელი სნო, ყაზბეგის რაიონი.

დაამთავრა საქართველოს პოლიტექნიკური ინსტიტუტი 1966 წელს და მიენიჭა სამთო ინჟინერ-ელექტრომექანიკოსის კვალიფიკაცია.

1958-1960წწ. მუშაობდა სნოსთან არსებულ მცირე სიმძლავრის ჰიდროელექტროსადგურში მორიგე ელექტრომონტიორად; 1967 წლიდან - "თბილმეტრომშენში" ელექტრომექანიკოსის სპეციალობით; 1969-1977წწ. - "საქმთავარენერგოს" ყაზბეგის ელქსელებში ექსპლუატაციის და უსაფრთხოების ტექნიკის უფროს ინჟინრად; 1977 წლიდან - "საქმთავარენერგოს" ყაზბეგის ელექტროქსელის მთავარი ინჟინერი; 1996-1998წწ. - ელ. ენერგიის გადაცემის და რეალიზაციის ყაზბეგის დირექციის დირექტორი; 1998-2004წწ. - სახელმწიფო კომპანია "ელექტროგადაცემის" ყაზბეგის საქსელო საწარმოს დირექტორი; რეორგანიზაციის შემდეგ, 2004-2008წწ. - ყაზბეგის საქსელო რაიონის უფროსი; 2008 წლიდან - 110/10კვ. ქვესადგურ "ყაზბეგის" უფროსი. ყაზბეგის მაღალმთიან რეგიონში მისი მუშაობის პერიოდში აშენდა და ექსპლუატაციაში შევიდა 110/10კვ. ქ/ს-ბი "გუდაური", "ყაზბეგი", ასევე 110/10კვ. ელ. გადამცემი ხაზები "გუდაური-2" და "დარიალი", შეიქმნა ყიზლარის საქსელო რაიონი, ერთი 110/10კვ. და ორი 35 კვ. ქვესადგურებით, 1500 კმ. სიგრძის 110-35-10-0.4 კვ. ელ გადამცემი ხაზებით და 10/0.4კვ. სიმძლავრის ქვესადგურებით. მიღებული აქვს სხვადასხვა ჯილდო და მრავალი მადლობა.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.325-326