გულიკო პატარიძე

დაბადების ადგილი: ქ. პარიზი.

დაამთავრა ჟან დე ლეფონტენის ლიცეუმი, შემდეგ — პარიზის უნივერსიტეტის მთარგმნელთა და თარჯიმანთა უმაღლესი სკოლა.

დაიბადა პოლიტიკური ემიგრანტების ელისე პატარიძისა და თამარ ალშიბაიას ოჯახში. 1967 წლიდან მუშაობდა "რადიო თავისუფლების" ქართულ რედაქციაში, 1986 წლიდან გარდაცვალებამდე კი იყო მისი დირექტორი. ქართულის და ფრანგულის გარდა თავისუფლად ფლობდა რუსულ, გერმანულ და ინგლისურ ენებს, რაც საშუალებას აძლევდა მოეპოვებინა მსმენელთა ფართო წრისთვის ხშირად მიუწვდომელი ინფორმაცია. თანამშრომლობდა ემიგრანტულ ბეჭდვით პრესაშიც ("ივერია", "თავისუფლების ტრიბუნა"). ცნობილი იყო საქართველოს ამბების ობიექტური გაშუქებით. დაქორწინებული იყო დავით (დათიკო) ურატაძეზე (გრიგოლ ურატაძის ძმისშვილი, დ. 1916 — გ. 1978). გულნარა პატარიძის ძმა — ოთარ პატარიძე საფრანგეთის ქართული სათვისტომოს ერთ-ერთი ხელმძღვანელია. საფრანგეთში მოღვაწე ქართველი ჟურნალისტი.

წყარო: გულნარა პატარიძის ოჯახს : სამძიმარი / ედუარდ შევარდნაძე // საქართველოს რესპუბლიკა. - თბილისი, 2003. - 12 ივნისი. - N152(4531). - გვ.1