ნონა ზარქუა

დაბადების ადგილი: ქ. სამტრედია.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 1992 წელს; 2011 წელს იყო ივ. ჯავახიშვილის სახელობის თბილისის სახელმწიფო უნივერსიტეტის კერძო სამართლის მიმართულების დოქტორანტი; 2000 წელს "ტასისი"-ს პროგრამის ფარგლებში მონაწილეობდა სასწავლო პროგრამებში გერმანიის ფედერალურ რესპუბლიკაში, კერძოდ ბერლინისა და ბრემენის სასამართლოებში, სტრასბურგის ადამიანის უფლებათა ევროპულ სასამართლოში; 2003 წელს მონაწილეობდა აშშ-ს საერთაშორისო განვითარების სააგენტოს მიერ ჩატარებულ ტრენინგებში მოსამართლეთათვის თემაზე - საარჩევნო სამართალი.

2007 წელს იყო გერმანიის საერთაშორისო თანამშრომლობის საზოგადოების (GTZ) მიერ ორგანიზებული სემინარის მონაწილე თემაზე - სამოქალაქო საპროცესო უფლებებთან მუშაობის მეთოდები; 2011 წელს გერმანიის საერთაშორისო თანამშრომლობის საზოგადოების პროგრამის ფარგლებში - "სამართლისა და იუსტიციის რეფორმების კონსულტაცია სამხრეთ კავკასიაში", მონაწილეობას იღებდა არამატერიალური ქონებრივი სიკეთისა და საკონკურენციო სამართლის მაქს-პლანკის ინსტიტუტში საავტორო და პატენტის სამართლის პრობლემატურ საკითხებზე (მიუნხენი); 1983-1985წწ. წლებში იყო სამტრედიის საწესჩვეულებო მომსახურების კომბინატის საქმეთა მმართველი; 1985-1987წწ. საქართველოს მშენებლობის სამინისტროს N2 საამშენებლო ტრესტის კომპლექტაციის სამმართველოს კადრების ინსპექტორი; 1992-1993წწ. თბილისის იურიდიულ-პედაგოგიური კოლეჯის მასწავლებელი; 1999-2000წწ. ქ. თბილისის სახელმწიფო ქონების მართვის საქალაქო სამმართველოს იურიდიული სექტორის უფროსი სპეციალისტი; 1994-1996წწ. ნ. დუმბაძის სახელობის თბილისის უნივერსიტეტის იურიდიული ფაკულტეტის ლექტორი; 1997-2000წწ. იყო თბილისის ჰუმანიტარული ინსტიტუტის იურიდიული ფაკულტეტის ლექტორი; 2000-2002წწ. თბილისის დიდუბე-ჩუღურეთის რაიონული სასამართლოს მოსამართლე; 2002-2004წწ. ივ. ჯავახიშვილის სახელობის თბილისის სახელმწიფო უნივერსიტეტის ლექტორი; 2002-2005წწ. ვაკე-საბურთალოს რაიონული სასამართლოს მოსამართლე; 2005-2012წწ. თბილისის საქალაქო სასამართლოს სამოქალაქო კოლეგიის მოსამართლე; 2009-2010წწ. ნ. დუმბაძის სახელობის თბილისის უნივერსიტეტის იურიდიული ფაკულტეტის ლექტორი; 2010-2011წწ. კავკასიის უნივერსიტეტის, კავკასიის სამართლის სკოლის (CSL) ლექტორი; 2012-2015წწ. საქართველოს შრომის, ჯანმრთელობისა და სოციალური დაცვის სამინისტროს სსიპ "სამედიცინო მედიაციის სამსახურის", სამედიცინო დავების განხილვისა და მონიტორინგის სამსახურის უფროსი; 2013-2015წწ. სსიპ სასწრაფო სამედიცინო დახმარების ცენტრის დირექტორის მოადგილე, დირექტორი, დირექტორის მრჩეველი სამართლებრივ საკითხებში, საზოგადოებასთან ურთიერთობისა და სამართლებრივი უზრუნველყოფის განყოფილების უფროსი; 2015-2020წწ. სამტრედიის რაიონული სასამართლოს მაგისტრატი მოსამართლე ხონის მუნიციპალიტეტში; 2020 წლის ივნისიდან არის თბილისის საქალაქო სასამართლოს სამოქალაქო კოლეგიის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge