თემურ გოგოხია

დაბადების ადგილი: ქ. გალში.
დაამთავრა საქართველოს სახელმწიფო ფიზიკური აღზრდისა და სპორტის აკადემიის იურიდიული ფაკულტეტი 2000 წელს; 2003 წელს ჩააბარა პროკურატურის საკვალიფიკაციო გამოცდა; 2007 წელს მოსამართლეობის საკვალიფიკაციო გამოცდა სისხლის სამართლის სპეციალიზაციით.
2000-2002წწ. მუშაობდა თბილისის საოლქო სასამართლოს საგამოძიებო კოლეგიაში სხდომის მდივნად; 2002-2003წწ. თბილისის საოლქო სასამართლოში კონსულტანტად; 2003-2005წწ. თბილისის საოლქო სასამართლოში მოსამართლის თანაშემწედ; 2006-2007წწ. თბილისის საქალაქო სასამართლოს სისხლის სამართლის საქმეთა კოლეგიაში მოსამართლის თანაშემწედ; 2007 წელს მუშაობდა მცხეთა-მთიანეთის საოლქო პროკურატურის განყოფილების პროკურორად, ხოლო მცხეთა-მთიანეთისა და შიდა ქართლის საოლქო პროკურატურების გაერთიანების შემდგომ, ამავე წლიდან მუშაობდა შიდა ქართლისა და მცხეთა-მთიანეთის საოლქო პროკურატურის შსს ორგანოებში გამოძიების საპროცესო ხელმძღვანელობის განყოფილების პროკურორად; 2008-2010წწ. იყო ფოთის საქალაქო სასამართლოს მოსამართლე და ამავე სასამართლოს თავმჯდომარე; 2010-2012წწ. ბათუმის საქალაქო სასამართლოს მოსამართლე და ამავე სასამართლოს თავმჯდომარე; 2013-2017წწ. ქუთაისის საქალაქო სასამართლოს მოსამართლე და ამავე სასამართლოს თავმჯდომარე.
2017 წლის ივლისიდან არის თბილისის საქალაქო სასამართლოს მოსამართლე; 2018 წლიდან თანამდებობაზე გამწესებულია უვადოდ, კანონით დადგენილი ასაკის მიღწევამდე; 2017 წლის ოქტომბრიდან არის თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის თავმჯდომარე.
წყარო: საქართველოს იუსტიციის უმაღლესი საბჭო: hcoj.gov.ge

• საქართველოს იუსტიციის უმაღლესი საბჭო, წევრი (2021-)