რუსლან ქუთათელაძე

დაბადების ადგილი: ქ. ტყვარჩელი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "სამრეწველო საწარმოთა, ქალაქებისა და სოფლის მეურნეობის ელექტრომომარაგება" 1983 წელს.

1972 წლიდან - "საქენერგოგაწყობა", ელექტრომონტიორი; 1975 წლიდან - ამიერკავკასიის სპეც. გაწყობა-გაშვების სამმართველო; 1983 წლიდან - "საქმთავარენერგოს" თბილისის თბოქსელში უფროსი დისპეტჩერი, "საქმთავარენერგოს" იმედიანობის სამსახურის უფროსი, "ტყვარჩელსრესის" მთავარი ინჟინერი, "საქენერგოს" ცენტრალური სადისპეტჩერო სამსახურის უფროსი დისპეტჩერი; 1994-1995წწ. - რუსეთის ფირმა "ემპოლის" დირექტორის მოადგილე. გავლილი ჰქონდა სწავლების კურსები ლიტვასა და პოლონეთში. 1999-2001წწ. - სათბობ-ენერგეტიკის სამინისტროს ენერგეტიკული სამმართველოს უფროსი; 2001-2002წწ. - "ენერგოზედამხედველობისა და სათბობის ხარისხის დეპარტამენტის" თავმჯდომარის მოადგილე; 2002 წლიდან - საქართველოს სახელმწიფო ელექტროსისტემა, ელექტროენერგიის აღრიცხვის და მომხმარებლებთან ურთიერთობის განყოფილების უფროსი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.343