პაატა სილაგაძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1998 წელს.

1998-1999წწ. მუშაობდა საქართველოს უზენაესი სასამართლოს საერთო სასამართლოების მატერიალური ტექნიკური უზრუნველყოფის დეპარტამენტში სპეციალისტად; 1998-2004წწ. თბილისის საოლქო სასამართლოში მოსამართლის თანაშემწედ; 2004-2006წწ. საქართველოს იუსტიციის უმაღლეს საბჭოში სამოსამართლო ეთიკისა და დისციპლინური სამართალწარმოების დეპარტამენტში კონსულტანტისა და უფროსი კონსულტანტის თანამდებობებზე; 2006-2008წწ. იყო მცხეთის რაიონული სასამართლოს მოსამართლე და თავმჯდომარე. 2008-2019წწ. საქართველოს უზენაესი სასამართლოს სისხლის სამართლის საქმეთა პალატის მოსამართლე; 2017-2019წწ. საქართველოს უზენაესი სასამართლოს საკვალიფიკაციო პალატის თავმჯდომარე; 2019 წლის ივნისში დაინიშნა თბილისის სააპელაციო სასამართლოს საგამოძიებო კოლეგიის მოსამართლედ უვადოდ, კანონით დადგენილი ასაკის მიღწევამდე. 2021 წლის სექტემბრიდან არის თბილისის სააპელაციო სასამართლოს სისხლის სამართლის საქმეთა პალატის თავმჯდომარე. 
წყარო: საქართველოს იუსტიციის უმაღლესი საბჭო: hcoj.gov.ge

• საქართველოს იუსტიციის უმაღლესი საბჭო, წევრი (2021-)
• საქართველოს იუსტიციის უმაღლესი საბჭო, წევრი (2013-2017)