სოსო ღუდუშაური

დაბადების ადგილი: სოფელი არშა, ყაზბეგის რაიონი.

დაამთავრა მოსკოვის ლომონოსოვის სახელობის უნივერსიტეტის გეოლოგიური ფაკულტეტი 1976 წელს და მიენიჭა გეოლოგის კვალიფიკაცია. 1979-1981წწ. სწავლობდა მოსკოვის სახელმწიფო უნივერსიტეტის გეოლოგიური ფაკულტეტის დასწრებულ ასპირანტურაში. გეოლოგია-მინერალოგიის მეცნიერებათა კანდიდატი (1982). 

1977-1978წწ. მუშაობდა თბილისში, სგ "საქნავთობის" სამეცნიერო-კვლევით დაწესებულებაში გეოლოგად და ინჟინერ-გეოლოგად; 1982-1988წწ. - სგ "საქნავთობი"-ს სამეცნიერო-კვლევით დაწესებულება, გეოლოგი, უფროსი მეცნიერ-თანამშრომელი, კვლევითი ლაბორატორიის გამგის მოვალეობის შემსრულებელი, ლაბორატორიის გამგე; 1988-1994წწ. - სგ "საქნავთობი"-ს გეოლოგიურ-საძიებო კანტორის მთავარი გეოლოგი; 1994-2002წწ. - "საქნავთობი"-ს სამეცნიერო-კვლევითი ინსტიტუტის დირექტორის მოადგილე სამეცნიერო ნაწილში; 2002-2006წწ. - სს ნეკ "საქნავთობის" მთავარი გეოლოგი და გეოლოგიური დეპარტამენტის უფროსი; 2007 წლიდან - შპს "საქართველოს ნავთობისა და გაზის კორპორაციაში" სამსახურის უფროსი, დეპარტამენტის უფროსის მოადგილე, "პროდუქციის წილობრივი განაწილების ხელშეკრულებების მართვის" დეპარტამენტის ექსპერტი. მიღებული აქვს 2008 - მედალიონი "ნავთობისა და გაზის დარგის განვითარებაში შეტანილი წვლილისათვის" (2008).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.351

• 2008 - საქართველოს ნავთობისა და გაზის მრეწველობის საპატიო მუშაკი

• საქართველოს ნავთობგაზიანობა და მაგისტრალური მილსადენები : მონოგრაფია (თანაავტორი). - თბილისი, საქ. ნავთობისა და გაზის კორპორაცია, 2019. - 261გვ.. - ISBN: 9789941812576