დემურ ელოშვილი

დაბადების ადგილი: ქ. ორჯონიკიძე.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1969 წელს.

შრომითი საქმიანობა დაიწყო 1962 წელს საქართველოს განათლების სამინისტროს საპროექტო ბიუროში ტექნიკად; 1965 წელს სწავლის პარალელურად მუშაბს ს.ი. "საქქალაქმშენსახპროექტში" ტექნიკ-არქიტექტორად; 1969-1970წწ. განაწილებით მუშობს ქ. კუიბიშევში ს.ი. "გიდროპროექტსა" და ს.ი. "გრაჟდანპროექტში" არქიტექტორად, სადაც მონაწილეობს ჰიდროელექტროსადგურებისა და და ქ. კუიბიშევის ცენტრის რეკონსტრუქციის პროექტებზე; 1969 წელს ქ. ბუენოს აირესში, არქიტექტორთა კონგრესზე, მის სადიპლომო ნამუშევარს "დასახლება 1000 ოჯახზე მთიან რაიონში" მიენიჭა საერთაშორისო არქიტექტორთა კავშირის ადოლფ ლოოსის სახელობის უმაღლესი "ვენის პრემია"; 1970-1975წწ. მუშაობს ს.ი. "საქქალაქმშენსახპროექტში" უფროს არქიტექტორად; 1975-1980 წწ. ტექნიკური ესთეტიკის საკავშირო კვლევითი-სამეცნიერო ინსტიტუტის საქართველოს ფილიალში წამყვან არქიტექტორად, შემდგომ სექტორის უფროსად; პარალელურად ეწეოდა პედაგოგიურ მოღვაწეობას სამხატვრო აკადემიის ხელოვნებათმცოდნეობის ფაკულტეტზე; 1980-1983წწ. ჯერ საქართველოს პოლიტექნიკური ინსტიტუტის არქიტექტურის ფაკულტეტის სტუდენტურ საპროექტო ბიუროს უფროსად და შემდგომ კომკავშირულ ქალაქ ბორის ძნელაძის ხელოვნების ცენტრის დირექტორად; 1983 წლიდან მუშაობს ქ. მარნეულის მთავარ არქიტექტორად; 1990-2006წწ. მარნეულის რაიონის მთავარი არქიტექტორია; 2006-2010წწ. მარნეულის მუნიციპალიტეტის გამგეობის ეკონომიკისა და ინფრასტრუქტურის სამსახურის მთავარ სპეციალისტად; 2011 წლიდან შ.პ.ს. "არქიტექტურა-მ"-ს დირექტორია; იგი ავტორია ან თანაავტორია პროექტებისა: პანსიონატები ქობულეთსა და ყვარლის ტბაზე, ტურისტული კომპლექსი გაგრაში, სათხილამურო ბაზები მესტიასა და ლენტეხში, დიზაინ პროგრამები ზუგდიდის ფაიფურისა და თბილისის ინსტრუმენტალური ქარხნებისა, თბილიში ჩაის სახლისა და ბათუმში სტალინის ქუჩისა; მოქანდაკეების ჯგუფთან ერთად ავტორია მემორიალებისა ჩხოროწყუში, წალენჯიხაში, ქუთაისში, ახალქალაქში; მისი პროექტებით აშენდა დავით აღმაშენებლის ეკლესია ქალაქ მარნეულში და თამარ მეფის ეკლესია სოფელ თამარისში; მარნეულის რაიონში დაპროექტებული აქვს (არქიტექტორ მ. ფალავადიშვილთან ერთად) და განხორციელებულია მრავალი ინდივიდუალური და მრავალსართულიანი საცხოვრებელი სახლები, სამრეწველო და საზოგადოებრივი დანიშნულების ობიექტები; ავტორია ან თანაავტორი პლაკატების სერიებისა სხვადასხვა თემატიკაზე, სასაქონლო ნიშნებისა და ბუკლეტებისა; თანაავტორია ქართულ პერიოდიკაში გამოქვეყნებული წერილებისა არქიტექტურისა და დიზაინის შესახებ, ასევე წიგნისა "დიზაინი ტრადიცია და თანამმედროვეობა", რომელიც არქიტექტურის შესახებ 2007 წლის საუკეთესო წიგნად იქნა აღიარებული; იყო ახალგაზრდა არქიტექტორთა კომისიის თავმჯდომარე, საქართველოს კომკავშირის ცკ-ს შემოქმედებითი ახალგაზრდობის ცენტრის პრეზიდიუმის წევრი, დიზაინერთა საერთაშორისო კონგრესის მონაწილე ქ. დუბლინში (1978), მისი ბიოგრაფია შეტანილია ქართველ არქიტექტორთა 1999 წლის ბიოგრაფიულ ლექსიკონში.

წყარო: არქიტექტორი დემურ ელოშვილი : ალბომი .-თბ.,2023.-გვ. 82

• საქართველოს არქიტექტორთა კავშირი, წევრი (1970-)
• საქართველოს დიზაინერთა კავშირი, წევრი (1987-)

• 2000 - მარნეულის საპატიო მოქალაქე

• დიზაინი : ტრადიცია და თანამედროვეობა / გიორგ ბაგრატიონ-დავითაშვილი, დემურ ელოშვილი (თანაავტორი). - თბილისი, 2005. - 100გვ.. - ISBN: 9994008021