თამაზ შავგულიძე

1943-1945წწ. სწავლობდა თბილისის საავიაციო ტექნიკუმში; 1945-1950წწ. - საქართველოს პოლიტექნიკურ ინსტიტუტში.

1950 წლიდან მუშაობდა ტრესტ "კავკასელექტროქსელმშენში" რიგითი ინჟინრის თანამდებობაზე; 1954 წლიდან - ამავე ტრესტის N1 სამონტაჟო სამმართველოს მთავარი ინჟინერი; 1957 წლიდან - ტრესტ "კავკასელექტროქსელმშენის" N8 მექანიზებული კოლონის მთავარი ინჟინერი; 1961 წლიდან - ტრესტ "კავკასელექტროქსელმშენის" N1 მექანიზებული კოლონის უფროსი; 1965 წლიდან - N90 მექანიზებული კოლონის უფროსი; 1974 წლიდან - ტრესტ "კავკასელექტროქსელმშენის" მმართველის მოადგილე. მნიშვნელოვანი წვლილი აქვს შეტანილი 110 კვ ელექტროგადამცემი ხაზის "არარატი-ნორაშენინამახვანის" და 330 კვ "ათარბეკიან-აქსტაფის" მშენებლობაში, რისთვისაც მიღებული ჰქონდა სომხეთისა და აზერბაიჯანის რესპუბლიკების საპატიო სიგელები; N90 კოლონაში მუშაობის პერიოდში აშენდა მრავალი 35, 110, 220 კვ ქვესადგური, მათ შორის, 220 კვ ქვესადგურები: დიდუბე, გლდანი, ხაშური, ნავთლუღი, 110 კვ - წყალტუბო, ქუთაისი 2, ნავთლუღი, წინანდალი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.361