ედონ შათირიშვილი

დაბადების ადგილი: ჩოხატაურის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1958 წელს.

მუშაობდა ტრესტ "კავკასელექტროქსელმშენის" N8 მექანიზებულ კოლონაში სამუშაოს მწარმოებლად; 1965 წლიდან - იმავე ტრესტის N90 სამმართველოში სამუშაოს მწარმოებელი, მთავარი ინჟინერი; 1973 წლიდან - სამმართველოს უფროსი. ასრულებდა მაღალი ძაბვის 110, 220, 330, 550 კვ ძაბვის ელექტროგადამცემი ხაზებისა და ელექტროქვესადგურების მშენებლობას, მონტაჟს, კერძოდ, 500 კვ ძაბვის ელექტროგადამცემი ხაზის ენგურის ჰესი - ქს "ცენტრალნაია", 500 კვ აზსრესი - ქს "მუხრანის ველი", 220 კვ ქვესადგურები: "მარნეული", "გლდანი", "გურჯაანი". 110 კვ ქვესადგურები: "ნაფარეული", "ნავთლუღი". დაჯილდოებული იყო სხვადასხვა სახელმწიფო ჯილდოებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.361-362