ზაურ გაბესკირია

დაბადების ადგილი: ქ. სენაკი.

დაამთავრა ი. ნიკოლაძის სახელობის სამხატვრო სასწავლებელი ფერწერის დარგში 1950 წელს; თბილისის სახელმწიფო სამხატვრო აკადემია 1967 წელს.

1964 წელს მონაწილეობდა საგაზაფხულო და საშემოდგომო გამოფენაში; 1972-1993წწ. მუშაობდა სათამაშოების საწარმოო გაერთიანება "სიხარული"-ს მთავარ მხატვრად; 1973 წლიდან მონაწილეობდა რუსთავში გამართულ ყველა გამოფენაში; 1959, 1970, 1986 წელებში თბილისსა და სენაკში მოეწყო  მისი პერსონალური გამოფენა; 1985 წელს მონაწილეობდა შვეციის ქ. კირუნაში გამართულ შვეცია-საქართველოს მეგობრობის დღეებთან დაკავშირებით მოწყობილ გამოფენაში, სადაც მისი ორი ფერწერული ტილო ქ. კირუნას ხელოვნების მუზეუმის საკუთრება გახდა; 1987 წელს მონაწილეობა მიიღო მხატვრის სახლში მოწყობილ საგაზაფხულო გამოფენაში, ამავე წელს, სექტემბერში მონაწილეობდა  რესპუბლიკურ გამოფენაში; 1988-1998 წლებში მონაწილეობდა სხვადასხვა გამოფენებში; 2017 წელს ქ. რუსთავის ისტორიული მუზეუმის დარბაზში, მხატვარ ზაურ გაბესკირიას ფერწერული ნამუშევრების გამოფენა გაიხსნა; გამოფენა რუსთავის მერიის "სახელოვნებო გაერთიანებათა ცენტრის" ორგანიზებითა და მხატვართა კავშირის "გამას" ხელშეწყობით გაიმართა; მასზე მხატვრის მიერ სხვადასხვა წლებში შექმნილი 60-ზე მეტი ფერწერული ტილო იყო წარმოდგენილი; მხატვრის ფერწერული ტილოები დაცულია როგორც საქართველოს მუზეუმებში, ასევე საზღვარგარეთის მუზეუმებსა და კერძო კოლექციებში.

წყარო: ქალაქ რუსთავის "არტ სალონი": artsalon.auf.ge; საინფორმაციო სააგენტო "ინტერპრესნიუსი": interpressnews.ge

• საქართველოს მხატვართა კავშირი, წევრი