ვალერი შამათავა

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1966 წელს.

1961-1963წწ. მუშაობდა ქარხანა "ელექტროძრავაში" ამწყობ ზეინკლად; 1967-1970წწ. - სოფლის მეურნეობის მექანიზაციისა და ელექტრიფიკაციის სამეცნიერო-კვლევით ინსტიტუტში ინჟინერ-კონსტრუქტორად, უმცროს მეცნიერ-მუშაკად; 1970-1973წწ. სწავლობდა მოსკოვში სოფლის მეურნეობის ელექტრიფიკაციის საკავშირო სამეცნიერო-კვლევითი ინსტიტუტის ასპირანტურაში; 1973-1982წწ. მუშაობდა ამავე ინსტიტუტში. ტექნიკურ მეცნიერებათა კანდიდატი (1982). 1982-1987წწ. მუშაობდა საქართველოს სასოფლო-სამეურნეო ინსტიტუტის სოფლის მეურნეობაში ელექტრული ენერგიის გამოყენების კათედრაზე ჯერ ასისტენტად, 1985 წლიდან - დოცენტად. 1996-1998წწ. - საქართველოს სახელმწიფო სასოფლო-სამეურნეო ინსტიტუტის სასწავლო მეთოდური განყოფილების უფროსი; 1998-2005წწ. - საქართველოს აგრარული უნივერსიტეტის სასწავლო-მეთოდური სამმართველოს უფროსი; 2005-2006წწ. - სასწავლო პროცესის მართვის სამსახურის უფროსი; 2006 წლიდან - საქართველოს აგრარული უნივერსიტეტის სოფლის მეურნეობის ელექტრიფიკაციის დეპარტამენტის უფროსი, ამავე დეპარტამენტის ასოცირებული პროფესორი. გამოქვეყნებული აქვს 24 სამეცნიერო შრომა, მათ შორის, 9 მეთოდური მითითება და ერთი პატენტი გამოგონებაზე. არის მოსკოვის სახალხო მეურნეობის მიღწევების გამოფენის მონაწილე. დაჯილდოებულია ორჯერ "ბრინჯაოს მედლით".

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.364

• ღირსების ორდენი