დავით შარიქაძე

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "ელექტროსადგურები" 1980 წელს.

25 წლის განმავლობაში მუშაობდა გარდაბნის რაიონულ ელექტროსადგურში და განვლო გზა ელექტროსაამქროს უფროსი მორიგე მონტიორიდან საწარმოო-ტექნიკური სამმართველოს უფროსამდე. ტექნიკურ სამმართველოში მისი მუშაობის პერიოდში დაიწყო 300 მვტ სიმძლავრის N9 და 10 ენერგობლოკების მშენებლობა, მონტაჟი და მოხდა მათი ექსპლუატაციაში მიღება, ამოქმედდა ახალი მართვის ფარი, ახალი წყალ-ქიმიური საამქრო, დამუშავდა რუსერსგამოვლილი ენერგობლოკების სიცოცხლისუნარიანობის გახანგრძლივების ღონისძიებები; 2005 წლიდან მუშაობს საქართველოს ენერგეტიკის სამინისტროს ენერგეტიკული დეპარტამენტის უფროსის მოადგილედ; 2012 წლიდან - უფროსად; დიდი წვლილი მიუძღვის არსებული ელექტროსადგურების რეაბილიტაციის განხორციელებაში. აქტიურად მონაწილეობს საქართველოს პერსპექტიული ჰესების საკითხებზე. ჩართულია მსოფლიო ბანკის დავალებით ხუდონის ჰესის პროექტის შესწავლაში მისი განხორციელებადობის დადგენის მიზნით. არის რამდენიმე რაციონალიზატორული წინადადებისა და გამოგონების ავტორი და თანაავტორი. ენერგეტიკისა და ელექტროინჟინერიის აკადემიური დოქტორი (2016).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.365

• საქართველოს ენერგეტიკის აკადემია, ნამდვილი წევრი, აკადემიკოსი (2015-)