კარლო შენგელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სპეციალობით "ელექტრული სადგურები, ქსელები და სისტემები" 1953 წელს.

მუშაობდა უკრაინაში მირონოვის სრესში ელექტრო ლაბორატორიის ინჟინრად; 1954-1956წწ. - ტყვარჩელსრესში ელექტრო ლაბორატორიის ინჟინერი; 1956 წლიდან - "საქმთავარენერგოს" ცენტრალური ელექტროქსელების სარელეო დაცვის სამსახურის ინჟინერი; 1962 წლიდან - ქვესადგურ "დიდი ნავთლუღის" უფროსი; 1972 წლიდან - ცენტრალური ელექტროქსელების მთავარი ინჟინრის მოადგილე; 1974-1987წწ. - მთავარი ინჟინერი; 1987-1988წწ. - "თელასში" სადისპეტჩერო სამსახურის უფროსი; 1988 წლიდან გარდაცვალებამდე - "თელასის" მთავარი ინჟინრის მოადგილე. დაჯილდოებულია სამკერდე ნიშნებით "გოელროს 60 წლისთავთან", "ცენტრალური ელექტროქსელების 50 წლისთავთან" დაკავშირებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.369

• 1981 - საქართველოს დამსახურებული ინჟინერი