მიხეილ შენგელია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოლოგის კვალიფიკაციით 1955 წელს.

1955 წლიდან მუშაობდა საბჭოთა კავშირის გეოლოგიის სამინისტროს მე-4 გეოლოგიის სამმართველოს მე-7 რაიონის ექსპედიციაში გეოლოგად; 1959 წლიდან - გეოლოგიური პარტიის უფროსი; 1961 წლიდან "საქნავთობის" გეოფიზიკური ექსპედიციის უფროსი გეოლოგი; 1963 წლიდან - მთავარი გეოლოგი; 1969 წლიდან გარდაცვალებამდე - "საქნავთობის" ტრესტ "საქნავთობგეოფიზიკის" მთავარი გეოლოგი-მმართველის მოადგილე. გეოლოგია-მინერალოგიის მეცნიერებათა კანდიდატი (1975). გამოქვეყნებული აქვს 40-ზე მეტი ნაშრომი. მიღებული აქვს მრავალი მედალი. 1988 წელს სამგორი-პატარძეულის ნავთობის საბადოს აღმოჩენისათვის მიენიჭა "ნავთობის პირველაღმომჩენის" წოდება.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.369-370

• 1991 - საქართველოს ნავთობისა და გაზის მრეწველობის საპატიო მუშაკი
• 1976 - საპატიო ნიშნის ორდენი