ნინო რუხაძე

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სამართლის ფაკულტეტი 2005 წელს; ივანე ჯავახიშვილის სახელობის თბილისის სახელმწიფო უნივერსიტეტის ევროპული სამართლის მაგისტრი 2008 წელს. ივანე ჯავახიშვილის სახელობის თბილისის სახელმწიფო უნივერსიტეტის სამართლის დოქტორი 2013 წელს; მიჩიგანის უნივერსიტეტის ჰუგო გროციუსის სახელობის სტიპენდიანტი, განათლების საერთაშორისო ცენტრის ბენეფიციარი, სამართლის მაგისტრი (საერთაშორისო ეკონომიკური სამართლის მიმართულებით) 2015 წელს.

2006-2008წწ. იყო კოორდინატორი კოლუმბიის უნივერსიტეტის საზოგადოებრივი ინტერესების სამართლის ინსიტუტის პროექტის: Promoting Sustainable Reform of Higher Legal  Education; 2007 წლიდან ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ასისტენტ-პროფესორი საერთაშორისო სამართლის მიმართულებით; 2012-2015წწ. ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სამეცნიერო კვლევებისა და განვითარების სამსახურის უფროსი სპეციალისტი; 2015-2016წწ. განათლების ხარისხის განვითარების ეროვნული ცენტრის საერთაშორისო აკრედიტაციისა და ავტორიზაციის სამმართველოს უფროსის მოვალეობის შემსრულებელი; 2015 წელს განათლების ხარისხის განვითარების ეროვნული ცენტრის უმაღლესი განათლების ხარისხის უზრუნველყოფის კონსულტანტი; 2015 წლიდან საქართველოს უნივერსიტეტის სამართლის სკოლის ასოცირებული პროფესორი; 2017-2018წწ. სსიპ განათლების საერთაშორისო ცენტრის კოორდინატორი; 2018-2019წწ. საერთაშორისო საჯარო სამართლის დეპარტამენტის საქართველოს იუსტიციის სამინისტროს დეპარტამენტის უფროსის მოადგილე; 2019-2021წწ. ქ. თბილისის მუნიციპალიტეტის VI მოწვევის საკრებულოს წევრი; 2021 წლიდან ქ. თბილისის მუნიციპალიტეტის VII მოწვევის საკრებულოს წევრი; აქტივობა: ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის წევრი, იურიდიულ საკითხთა და ადამიანის უფლებათა დაცვის კომისიის წევრი; საარჩევნო ფორმა: პროპორციული წესით, საარჩევნო სუბიექტი: "ქართული ოცნება - დემოკრატიული საქართველო".

წყარო: ქ. თბილისის საკრებულო: tbsakrebulo.gov.ge