გივი აბზიანიძე

დაბადების ადგილი: სოფელი ამაშუკეთი, ხარაგაულის რაიონი. 

დაამთავრა საქართველოს სახელმწიფო პოლიტექნიკური ინსტიტუტის მსუბუქი მრეწველობის ფაკულტეტი 1962 წელს.

1963 წელს შრომითი საქმიანობა დაიწყო საქართველოს "მთავარპოლიგრაფგამომცემლობის" ქუთაისის №5 სტამბაში საამქროს ოსტატად; ამავე წელს გადაიყვანეს საქართველოს კომპარტიის ქუთაისის საქალაქო კომიტეტის მრეწველობისა და ტრანსპორტის განყოფილებაში ინსტრუქტორად; აქვე მუშაობდა განყოფილების გამგის მოადგილედ; 1973 წლიდან იყო ქუთაისის მშრომელთა დეპუტატების საქალაქო საბჭოს აღმასკომის თავმჯდომარის მოადგილე, პირველი მოადგილე; შემდეგ აირჩიეს ქუთაისის საქალაქო კომიტეტის მეორე მდივნად; 1978 წლიდან მუშაობდა ქუთაისის მშრომელთა დეპუტატების საქალაქო საბჭოს აღმასკომის თავმჯდომარედ; 1983 წლიდან გადაიყვანეს საქართველოს კომპარტიის წყალტუბოს ზონის საქალაქო კომიტეტის პირველ მდივნად; 1988 წლიდან იყო საქართველოს კომპარტიის ქუთაისის საქალაქო კომიტეტის პირველი მდივანი; 1989 წელს დაინიშნა საქართველოს სსრ სახელმწიფო საგეგმო კომიტეტის თავმჯდომარის მოადგილედ; სხვა საკითხებთან ერთად, მართავდა უცხოეთის ქვეყნებთან სავაჭრო-ეკონომიკური ურთიერთობების ჩამოყალიბებას და ფუნქციონირებას. ასევე მუშაობდა საქართველოს ეკონომიკის სამინისტროში სამმართველოს უფროსად, მთავარმომარაგების სახელმწიფო კომიტეტში სხვადასხვა თანამდებობაზე.