ბორის ჩიკვაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკური მშენებლობის სპეციალობით 1949 წელს.

1950-1955წწ. მუშაობდა "საქწყალპროექტში" ინჟინერ-მგეგმარებლად; 1955-1959წწ. - საკავშირო სამეცნიერო-კვლევითი ჰიდროტექნიკის ინსტიტუტის ასპირანტი (ლენინგრადი); 1960-1962წწ. - საქართველოს ბუნების დაცვის სამინისტროში განყოფილების გამგე; 1962 წლიდან - ენერგეტიკისა და ჰიდროტექნიკურ ნაგებობათა თბილისის სამეცნიერო-კვლევით ინსიტუტში უფროსი მეცნიერ-თანამშრომელი; 1967 წლიდან - ლაბორატორიის გამგე; 1975 წლიდან - საქართველოს სასოფლო-სამეურნეო ინსტიტუტის ჰიდროტექნიკურ ნაგებობათა კათედრის გამგე. 1992 წელს ოჯახთან ერთად საცხოვრებლად ისრაელში გადავიდა. მისი სამეცნიერო მოღვაწეობის სფერო ძირითადად ეხებოდა ღია ნაკადების ჰიდრავლიკას, მდინარეთა მყარი ნატანის მოძრაობას, ნაგებობათა გამორეცხვის ადგილობრივ წინაღობებს სადაწნეო დინებისას და სხვა. გამოქვეყნებული აქვს 50-ზე მეტი ნაშრომი საბჭოთა და უცხოურ ჟურნალებში. არის 3 გამოგონების ავტორი. გამოსცა 4 მონოგრაფია, რომელიც შეეხება ჰიდროტექნიკურ ნაგებობებს, ჰიდროლოგიას. დაჯილდოებულია სახელმწიფო მედლებითა და სხვადასხვა სიგელებით. ტექნიკურ მეცნიერებათა კანდიდატი (1959), ტექნიკურ მეცნიერებათა დოქტორი (1971).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.378-379

• ჰიდროტექნიკური ნაგებობები : სახელმძღვ. უმაღლ. სასწ. ჰიდრომელიორ. სპეც. სტუდენტებისათვის (ავტორი). - თბილისი, განათლება, 1989. - 772გვ.
• წყალსარგებლობის გეგმა და მისი შედგენის ძირითადი საფუძვლები (ავტორი). - თბილისი, საბჭ. საქართველო, 1989. - 38გვ.
• შესავალი ჰიდრომელიორაციაში : დამხმ. სახელმძღვ. სას.-სამ. ინ-ტის ჰიდრომელიორაციის სპეც. სტუდ. (ავტორი). - თბილისი, საქ. სას.-სამ. ინ-ტი, 1987. - 108გვ.
• ჰიდროლოგია, ჰიდრომეტრია, ჩამონადენის რეგულირება : სახელმძღვ. უმაღლ. სასწ. ჰიდრომელიორ. სპეც. სტუდ. (ავტორი). - თბილისი, განათლება, 1986. - 390გვ.
• ზედაპირული მორწყვა (ავტორი). - თბილისი, საბჭ. საქართველო, 1979. - 39გვ.
• ჰიდროლოგია : სახელმძღვ. უმაღლ. სასწ. ჰიდროტექნ. ნაგებობათა მშენებლობის სპეც. სტუდ. (თანაავტორი). - თბილისი, განათლება, 1968. - 242გვ.