ვლადიმერ ბურგსდორფი

დაბადების ადგილი: ქ. ყაზანი.

დაამთავრა ლენინგრადის პოლიტექნიკური ინსტიტუტი 1931 წელს.

1931-1945წწ. მუშაობდა ამიერკავკასიაში; 1933 წლიდან იყო თბილისის სამშენებლო ჰიდროტექნიკის სამეცნიერო-კვლევითი ინსტიტუტის ელექტროტექნიკის ლაბორატორიისა და ამიერკავკასიის რეჟიმების სამსახურის უფროსი. 1945-1986წწ. საკავშირო-კვლევითი ინსტიტუტის ელექტროენერგეტიკის მაღალძაბვიანი ქსელების ლაბორატორიის გამგე; 1961 წლიდან - საკავშირო დაუსწრებელი პოლიტექნიკური ინსტიტუტის ელექტროსადგურების ქსელებისა და სისტემების კათედრის გამგე; ტექნიკის მეცნიერებათა კანდიდატი (1936), ტექნიკის მეცნიერებათა დოქტორი (1943). დაჯილდოებული იყო სახელმწიფო ორდენებითა და მედლებით, მათ შორის სსრკ-ის მინისტრთა საბჭოს პრემიით. მრავალი სამეცნიერო ნაშრომისა და გამოგონების ავტორი. საპატიო ენერგეტიკოსი.

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.167-168

• რსფსრ მეცნიერებისა და ტექნიკის დამსახურებული მოღვაწე
• ლენინური პრემია
• შრომის წითელი დროშის ორდენი (2 ორდენი)
• საპატიო ნიშნის ორდენი