თენგიზ ჩიქოვანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სპეციალობით "სამოქალაქო და სამრეწველო მშენებლობა" 1962 წელს.

მუშაობა დაიწყო საქართველოს ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის ვიბროაქტივიზაციის ლაბორატორიაში ინჟინრის და სტაჟიორ-მკვლევარის თანამდებობაზე. ტექნიკურ მეცნიერებათა კანდიდატი (1968). 1968 წელს - ცემენტებისა და ბეტონის განყოფილების უფროსი მეცნიერ-თანამშრომელი; 1969-1979წწ. - ამავე განყოფილების გამგის მოადგილე; 1979-1992წწ. - ინსტიტუტის ეკონომიკურ-კვლევითი და საპატენტოსალიცენზიო სექტორის ხელმძღვანელი. მის მიერ შემუშავებულმა კორელაციურ-რეგრესიულმა მეთოდმა ბეტონებისა და სამშენებლო მასალების ტექნოლოგიაში (პასიური ექსპერიმენტი) ფართო გამოხმაურება ჰპოვა. 1992 წლიდან - მეცნიერებისა და ახალი ტექნიკის განყოფილების ხელმძღვანელი საქართველოს სათბობენერგეტიკის სამინისტროში; 1994-2005წწ. - საქართველოს ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის უფროსი მეცნიერ-თანამშრომელი. 2005 წლიდან პენსიაზეა.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.382-383