გაბი ელაშვილი

დაბადების ადგილი: სოფელი კულაში, სამტრედიის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1968 წელს.

მუშაობდა კულაშის პოლიკლინიკაში ექიმ-პედიატრად. 1969-1975 წლებში მუშაობდა აბაშის რაიონში. 1969 წელს თბილისის ექიმთა დახელოვნების ინსტიტუტის ყელ-ყურ-ცხვირის კათედრის ბაზაზე გაიარა სპეციალიზაცია. 1972 წელს კვალიფიკაცია აიმაღლა მოსკოვის ექიმთა დახელოვნების ინსტიტუტის საბაზო 67-ე საავადმყოფოში. 1974 წელს პლასტიკური ოპერაციების მეთოდების ათვისების მიზნით კვალიფიკაცია აიმაღლა თბილისში. 1969-1975 წლებში მუშაობდა აბაშის რაიონში. მის მიერ დანერგილ იქნა  პლასტიკური ოპერაციების თანამედროვე მეთოდებით მკურნალობის  ახალი ფორმები. 1975 წელს ოჯახთან ერთად საცხოვრებლად გადავიდა ისრაელში. მუშაობა დაიწყო ბელინსონის საავადმყოფოში განყოფილების გამგედ, სადაც მუშაობდა 1993 წლამდე. პარალელურად ეწეოდა კერძო პრაქტიკას. მისი ინიციატივით 1993 წელს გაიხსნა პლასტიკური ოპერაციების ცენტრი, ე.წ. "დოქტორ-ცენტრი". ღვაწლმოსილ სპეციალისტს 10 000-ზე მეტი ოპერაცია აქვს ჩატარებული.

წყარო: საქართველოს ებრაელთა მსოფლიო კონგრესი: georgianjews.org; კულაშელი ქირურგი : ინტერვიუ / გაბი ელაშვილი; ესაუბრა ი. აბაშიძე // მენორა. - თბილისი, 2003. - 15-31 იანვარი. - N2. - გვ.7