ნინო ჩიქოვანი

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტი სპეციალობით "ჰიდროტექნიკური ნაგებობანი", ინჟინერ-მშენებლის კვალიფიკაციით 1940 წელს.

მუშაობა დაიწყო "სვირჰესზე" (ლენინგრადის ოლქი). 1941 წელს, მეორე მსოფლიო ომის დაწყებამდე რამდენიმე დღით ადრე საქართველოში დაბრუნდა. 1943 წლიდან მუშაობდა ე. წ. "საფოსტო ნომრის" ქარხანაში ინჟინრად, შემდეგ - სხვადასხვა თანამდებობებზე. 1947 წლიდან - წყალთა მეურნეობის სამინისტროს კაპიტალური მშენებლობის განყოფილების ინჟინერი მუშა პროექტირების ჯგუფში, შემდეგ - საგეგმო სამმართველოს ინჟინერი; 1948 წლიდან - "საქენერგოს" ჰიდროტექნიკური სამსახურის უფროსი ინჟინერი, ამავე სამსახურის უფროსი ინჟინერ-ჰიდროტექნიკოსი; 1977 წლიდან - "საქმთავარენერგოს" ჰიდროტექნიკური სამსახურის სექტორის უფროსი; 1984-1991წწ. - საქართველოს მეცნიერებათა აკადემიის წყალთა მეურნეობის და საინჟინრო ეკოლოგიის ინსტიტუტის მთის წყალსაცავებისა და ზღვის ლაბორატორიაში უფროსი ინჟინერი. მიღებული აქვს მრავალი მადლობა, სიგელი და ფულადი ჯილდო.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.383

• საქართველოს დამსახურებული ინჟინერი