გრიგოლ თალაკვაძე

დაბადების ადგილი: სოფელი ასკანა, ოზურგეთის რაიონი.

დაამთავრა ბათუმის ინდუსტრიული ტექნიკუმი 1933 წელს; საქართველოს ინდუსტრიული ინსტიტუტი 1940 წელს;  საქართველოს პოლიტექნიკური ინსტიტუტის მანქანათმშენებლობის ტექნოლოგიის კათედრის ასპირანტურა 1947 წელს.

1933-1935წწ. მუშაობდა ბათუმის პორტში მექანიკოსად; 1940-1942წწ. ურალის სამხედრო ქარხანაში ინჟინრად; 1942-1945წწ. კიროვის სახელობის ჩარხმშენებელ ქარხანაში საამქროს ოსტატად, ტექნოლოგად; 1945-1971წწ. მოღვაწეობდა საქართველოს პოლიტექნიკური ინსტიტუტის მაქანათმშენებლობის ტექნოლოგიის  ფაკულტეტზე: 1945-1949წწ. იყო კათედრის ასისტენტი, 1950-1983წწ. დოცენტი, ხოლო 1960-1971წწ. ფაკულტეტის დეკანის მოადგილე სასწავლო დარგში. გ. თალაკვაძის სამეცნიერო მოღვაწეობის თემატიკა ეხება მასალების ჭრით დამუშავებისა და სწრაფმჭრელი ფოლადების თერმული დამუშავების სფეროებს. მას გამოქვეყნებული აქვს 47 სამეცნიერო ნაშრომი, მათ შორის- 10 საავტორო მოწმობა, 4 სახელმძღვანელო მანქანათმშენებლობის ტექნოლოგიისა და დეტალების პროგრამული მართვის ჩარხებზე დამუშავებაში, 5 დამხმარე სახელმძღვანელო, რომლებზეც აღიზარდა საქართველოს მანქანათმშენებელთა არაერთი თაობა.  ტექნიკის მეცნიერებათა კანდიდატი (1948).

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.185-186

• 1943 - მედალი "შრომითი მამაცობისთვის"
• საქართველოს უმაღლესი სკოლის დამსახურებული მუშაკი

• დეტალების დამუშავების ტექნოლოგიური პროცესის შემუშავება და პროგრამების შედგენა ციფრობრივ-პროგრამული მართვის ჩარხებისათვის : დამხმარე სახელმძღვანელო (ავტორი). - თბილისი, 1984. - 128გვ.
• მანქანათმშენებლობის ტექნოლოგია : დამხმ. სახელმძღვ. საქ. პოლიტექნ. ინ-ტისათვის (ავტორი). - თბილისი, ცოდნა, 1964. - 272გვ.