მიხეილ ხუნდიაშვილი

დაბადების ადგილი: ქ. სენაკი.

დაამთავრა თბილისის სამხატვრო აკადემიის ფერწერის ფაკულტეტი 1980 წელს.

მონაწილეობდა ყველა საერთაშორისო და რესპუბლიკურ გამოფენაზე. საქართველოს მხატვართა კავშირმა გადასცა შემოქმედებითი სახელოსნო ელგუჯა ამაშუკელის ხელმოწერით. 1990 წელს საქართველოშო, შოთა რუსთაველის სახელობის სახელმწიფო აკადემიურ თეატრში მოეწყო მიხეილ ხუნდიაშვილის პირველი პერსონალური გამოფენა, სადაც წარადგინა თავისი პირველი კატალოგი და პორტრეტების სერია (გურამ ბათიაშვილი, გიორგი ხუხაშვილი და სხვ.). 1995 წელს საცხოვრებლად გადავიდა ისრაელში, იმავე წელს მიიღო მონაწილეობა ჯგუფურ გამოფენაში, ხოლო 1996 წელს, ქ. რიშონში მოეწყო მისი პირველი პერსონალური გამოფენა. მიხეილ ხუნდიაშვილის ნამუშევრებია: პროფესორ დავით ბააზოვის პორტრეტი, "საქართველოს რაბინები," "ზღვის გაპობა," ძველი თბილისის პეიზაჟები სერია, ვერიკო ანჯაფარიძის პორტრეტი, "იუდაიკა" და სხვ.

წყარო: მიხეილ ხუნდიაშვილი, "ხელოვანი, რომელიც ხატავს იმედს, იმედწართმეული ადამიანებისთვის!" / ესთერ ჯანაშვილი // მენორა . - თბილისი, 2021. -მაისი. - N5(478). - გვ.4-5

• ისრაელის მხატვართა კავშირი, წევრი
• საქართველოს მხატვართა კავშირი, წევრი (1986-)
• სსრკ მხატვართა კავშირი, წევრი (1987-1991)