გიორგი ნანიტაშვილი

დაბადების ადგილი: სოფელი ბაზალეთი, ხარაგაულის რაიონი.

დაამთავრა: ნავთობის ტექნიკუმი 1954 წელს,  საქართელოს პოლიტექნიკური ინსტიტუტი ინჟინერ-ჰიდროლოგის სპეციალობით 1959 წელს; გროზნოს ნავთობის ინსტიტუტის ასპირანტურა 1964 წელს.

1953-1959წწ. მუშაობდა "საქნავთობის", კავკასიის "ნახშირგეოლოგიის", "ჰიდროენერგოპროექტის" და მეცნიერებათა აკადემიის ხაზით; 1959 წლიდან იყო გეოლოგიურ-სადაზვერვო ნავთობის სამეცნიერო-კვლევითი ინსტიტუტის საქართველოს კომპლექსურ ლაბორატორიაში თავდაპირველად უმცროსი, ხოლო შემდგომ უფროსი მეცნიერ მუშაკი; 1973 წელს მისი ინიციატივით ჩამოყალიბდა საქართველოში დედამიწის სიღრმული სითბოს გამოყენების სამმართველო, რათა ფართო გასაქანი მიეცა რესპუბლიკაში თერმული წყლების გამოყენების საქმეს. 25 სამეცნიერო ნაშრომის ავტორი; ტექნიკის მეცნიერებათა კანდიდატი (დაიცვა 1964 წელს ქ. გროზნოში).

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.204