ტრისტან ჯინჭარაძე

დაბადების ადგილი: სოფელი კვირიკე, ქობულეთის რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1985 წელს; 1985-1989 წლებში სწავლობდა ასპირანტურაში ერთობლივად საქართველოს მეცნიერებათა აკადემიის მათემატიკის ინსტიტუტსა და ვილნიუსის პედაგოგიურ ინსტიტუტში, სპეციალობით ფინანსური, მენეჯერული, საგადასახადო და საბიუჯეტო აღრიცხვა. 
1985-1986წწ. იყო ქობულეთის რაიონის სოფელ კვირიკეს საშუალო სკოლის მათემატიკის მასწავლებელი; 1989-2006წწ. ივ. ჯავახიშვილის სახელობის თბილისის სახელმწიფო უნივერსიტეტის ალგებრა–გეომეტრიის კათედრის პროფესორი, კათედრის სწავლული მდივანი; 1992-1993წწ. ქ. ბათუმის კომერციული ინსტიტუტის უფროსი მასწავლებელი; 1997-2001წწ. მეღვინეობის კომპანიის "მიმინოს" ფინანსური დირექტორი; 1997-2008წწ. მენეჯმენტის ევროპული სკოლის - ESM და თბილისის ბიზნეს სკოლის - TBS ფინანსებისა და აღრიცხვის პროგრამების პროფესორი; 1998 წელს ევროპის რეკონსტრუქციისა და განვითარების ბანკის, უფროსი ფინანსური კონსულტანტი-ტრენერი, კურსები ბათუმისა და ფოთის პორტების უმაღლესი რგოლის მენეჯერთათვის, ფინანსურ და მენეჯერულ აღრიცხვაში. 1999 წელს მსოფლიო ბანკის პროექტის "პრივატიზებულ საწარმოთა რესტრუქტურიზაციისა და მენეჯმენტის დახმარების ცენტრის" – CERMA  უფროსი კონსულტანტი ფინანსებსა და აღრიცხვაში; 2000 წელს სააქციო საზოგადოების "საქართველოს ტელეკომის" ფინანსური კონსულტანტი - ტრენერი, კურსები თანამშრომელთათვის ფინანსურ და მენეჯერულ აღრიცხვაში; 2001 წელს ღია საზოგადოების - საქართველო, ფინანსური კონსულტანტი - ტრენერი, კურსები თანამშრომელთათვის ფინანსურ და მენეჯერულ აღრიცხვაში; 2004-2011წწ. საკონსულტაციო კომპანიის  "მენეჯმენტის მრჩეველთა ჯგუფი (მმჯ)" დირექტორი, დამფუძნებელი, ფინანსებისა და აღრიცხვის მიმართულების ექსპერტი; 2005-2006წწ. - გამოცდების ეროვნული ცენტრის  (NAEC) მათემატიკის კომისიის წევრი; 2006-2010წწ. საკონსულტაციო კომპანიის "AG პროფესიული კონსულტაციებისა და ტრეინინგების ცენტრი", პარტნიორი, მენეჯერული აღრიცხვის მიმართულების ხელმძღვანელი. 2008 წლიდან თავისუფალი უნივერსიტეტის, ESM ბიზნეს სკოლის, აღრიცხვის მიმართულების სრული პროფესორი. 2014-2017წწ. ქ. თბილისის მუნიციპალიტეტის საკრებულოს წევრი; აქტივობა: ქ. თბილისის მუნიციპალიტეტის საკრებულოს ქონების მართვისა და საფინანსო – საბიუჯეტო კომისიის წევრი; ქ. თბილისის მუნიციპალიტეტის საკრებულოს სარევიზიო კომისიის წევრი; "საქართველოს რესპუბლიკური პარტიის" წევრი; საარჩევნო ფორმა: პროპორციული წესით, საარჩევნო ბლოკი: "ქართული ოცნება", ფრაქცია: "რესპუბლიკელები". 1989 წელს დაიცვა საკანდიდატო დისერტაცია და მიენიჭა ფიზიკა-მათემატიკის მეცნიერებათა კანდიდატის ხარისხი.

წყარო: ქ. თბილისის საკრებულო: tbsakrebulo.gov.ge; თავისუფალი უნივერსიტეტი: freeuni.edu.ge