რეზო ცაცკრიალაშვილი

დაბადების ადგილი: სოფელი სართიჭალა, საგარეჯოს რაიონი.

დაამთავრა საქართველოს პოლიტექნიკური ინსტიტუტის ელექტროტექნიკური ფაკულტეტი 1954 წელს.

1954-1957წწ. - კრასნოდარის თბოელექტროცენტრალის ინჟინერი, "ეზმინჰესის" მორიგე ინჟინერი, ლაბორატორიის უფროსი ოსტატი, თერგის კასკადის ელექტროლაბორატორიის უფროსი; 1957 წელს დაბრუნდა საქართველოში და მუშაობა დაიწყო "საქენერგოში". 1957-1960წწ. - სოხუმის ქსელების ლაბორატორიის უფროსი ინჟინერი, ჩითახევჰესის გაერთიანებული საამქროს უფროსი, დირექტორის მოადგილე; 1960-1965წწ. - ხრამჰესი 1-ის მთავარი ინჟინერი, ხრამჰესის კასკადის მთავარი ინჟინერი, დირექტორის მოადგილე; 1966 წლიდან - "საქმთავარენერგოს" ცენტრალური ლაბორატორიის გაშვება-გაწყობის სამსახურის უფროსი; 1968 წლიდან - ამავე ლაბორატორიის მთავარი ინჟინერი; 1980-1985წწ. - "საქმთავარენერგოს" მთავარი ინჟინრის მოადგილე ელ. ტექნიკურ ნაწილში; 1986 წელს - "საქენერგოგაწყობის" დირექტორი; 1987-1988წწ. - "ჟინვალჰესის" დირექტორი; 1989-1992წწ. - "საქენერგოს" მთავარი ინჟინრის მოადგილე ელ. ტექნიკურ ნაწილში; 1993-2005წწ. - "ენერგოგენერაციის" მთავარი სპეციალისტი, ტექნიკური სექტორის უფროსი; 2004-2007წწ. - რიონჰესის, გუმათჰესის და ლაჯანურჰესის მეთვალყურეთა საბჭოს წევრი, თავმჯდომარე. აქტიურად იყო ჩართული სხვადასხვა პროექტების განხორციელებაში; 1994-1996წწ. თანამშრომლობდა მსოფლიო ბანკთან რეაბილიტაციის მასალების მოძიებაში; 2003 წლიდან მონაწილეობდა იმერეთის რეგიონის ექვსი ელექტროსადგურის რეაბილიტაციის USAID-ის პროგრამის ელექტრული ნაწილის მომზადებაში. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.399

• 2004 - საქართველოს ენერგეტიკის დამსახურებული მუშაკი
• 2002 - ღირსების მედალი
• 1985 - შრომის ვეტერანის მედალი
• 1974 - შრომის წითელი დროშის ორდენი
• 1970 - მედალი "შრომითი მამაცობისთვის"