კაცია ცინცაძე

დაბადების ადგილი: ჩოხატაურის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-ელექტრომექანიკოსის კვალიფიკაციით 1955 წელს.

მუშაობა დაიწყო "საქენერგოს" ცენტრალურ აპარატში. 1966 წლიდან - ხრამ ჰეს 2-ის უფროსი ინჟინერი; 1967 წლიდან - ელექტროსადგურის მთავარი ინჟინერი; 1971 წლიდან - ენგურჰესის მშენებლობის დირექციის უფროსის მოადგილე; 1980 წლიდან - "საქენერგოს" მაღალი ძაბვის ელექტროქსელების მთავარი ინჟინერი; 1986 წლიდან - ამავე საწარმოს დირექტორი; 1992 წლიდან - მცირე სიმძლავრის ჰესების განვითარების განყოფილების ხელმძღვანელი და პერსპექტიული განვითარების პროგრამების შემუშავების კოორდინატორი; 1994-1996წწ. - საქართველოს ტექნიკური ზედამხედველობის სახელმწიფო ინსპექციის მთავარი სპეციალისტი; მომდევნო პერიოდში, გარდაცვალებამდე, ხელმძღვანელობდა სახელმწიფო კომპანია "საქნერგოს" კაპიტალური მშენებლობისა და რეაბილიტაცია-განვითარების განყოფილებას.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.399-400