კონსტანტინე წერეთელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "ელექტრული სადგურები" 1968 წელს.

1968-1971წწ. იყო საქართველოს ენერგეტიკის სამეცნიერო-კვლევითი ინსტიტუტის უმცროსი მეცნიერ-მუშაკი; 1971-1975წწ. - მოსკოვის ენერგეტიკის სამეცნიერო-კვლევითი ინსტიტუტი, ელექტროენერგეტიკის განყოფილება, ასპირანტი. ტექნიკურ მეცნიერებათა კანდიდატი (1980). 1975-1988წწ. - საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევითი ინსტიტუტის უფროსი მეცნიერ-მუშაკი; 1988-1990წწ. - საქართველოს პოლიტექნიკური ინსტიტუტის ელექტრული მანქანების და აპარატების კათედრის დოცენტი; 1990-1999წწ. - საქართველოს ტექნიკური უნივერსიტეტის ელექტრული მანქანების და აპარატების კათედრის გამგე; 1999-2012წწ. - საქართველოს ტექნიკური უნივერსიტეტი, ელექტროენერგეტიკის, ელექტრონიკისა და ელექტრომექანიკის დეპარტამენტი, ასოცირებული პროფესორი; 1996 წლიდან საქართველოს ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის წამყვანი მეცნიერ-მუშაკი, განყოფილების გამგის მოადგილე; 1999 წლიდან შპს "ინსტა", მაღალი და საშუალო ძაბვის განყოფილების გამგე; 2012-2021წწ. საქართველოს ტექნიკური უნივერსიტეტი, ელექტროენერგეტიკის, ელექტრონიკისა და ელექტრომექანიკის დეპარტამენტი, პროფესორი; 2021 წლიდან ენერგეტიკის ფაკულტეტის პროფესორი. გამოქვეყნებული აქვს 47 ნაშრომი, მათ შორის, 14 საავტორო მოწმობა და პატენტი, 2 სახელმძღვანელო. მისი საქმიანობა დაკავშირებულია საქართველოს ენერგოსისტემის ნორმატიული დოკუმენტაციის დამუშავებასთან. როგორც მეცნიერს, მნიშვნელოვანი წვლილი აქვს შეტანილი და საინტერესო მეცნიერული და პრაქტიკული გადაწყვეტილებები მიღებული ენერგეტიკულ ობიექტებზე ტექნიკური პრობლემების გადაჭრასთან დაკავშირებით. მისი ხელმძღვანელობით დაცულია 3 სადოქტორო დისერტაცია. მუშაობის ძირითადი მიმართულებები: ელექტროენერგიის ხარისხი და მისი გაუმჯობესების გზები, ელექტრული სისტემების რეჟიმების ანალიზი, გენერატორები მცირე ენერგეტიკისათვის, ტექნიკური კარგვები ელექტრომომარაგების სისტემებში და სხვა. 

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.407; საქართველოს ტექნიკური უნივერსიტეტი: my.gtu.ge

• საქართველოს ენერგეტიკის აკადემია, აკადემიკოსი

• 2013 - ღირსების ორდენი

• ენერგეტიკული კრიზისი საქართველოში : მონოგრაფია (რედაქტორი). - თბილისი, ტექნ. უნ-ტი, 2017. - 228გვ. . - ISBN: 9789941208003