ნოდარ წივწივაძე

დაბადების ადგილი: ქ. ოზურგეთი.

დაამთავრა თბილისის რკინიგზის ტრანსპორტის ინჟინერთა ინსტიტუტის ელექტრული ტრანსპორტის ფაკულტეტი ინჟინერ-ელექტრომექანიკოსის კვალიფიკაციით 1956 წელს.

მუშაობა დაიწყო ჩელიაბინსკის ელექტროელმავალშემკეთებელ ქარხანაში ინჟინერ-კონსტრუქტორად; 1957-1959წწ. "საქმთავარენერგოს" ბჟუჟა ჰესის სარელეო დაცვისა და ავტომატიკის სამსახურის უფროსი; 1959-1962წწ. ასპირანტი; 1962-1966წწ. საქართველოს პოლიტექნიკური ინსტიტუტის ელექტრული ტრანსპორტის კათედრის უფროსი ლაბორანტი. ტექნიკურ მეცნიერებათა კანდიდატი (1966); 1966-1968წწ. - საქართველოს პოლიტექნიკური ინსტიტუტის ზოგადი და თეორიული ელექტროტექნიკის კათედრის ასისტენტი; 1970 წლიდან ამავე კათედრის დოცენტი; 1970-1981წწ. საქართველოს პოლიტექნიკური ინსტიტუტის ენერგეტიკის ფაკულტეტის დეკანი. დიდი წვლილი შეიტანა ქვეყნის საინჟინრო კადრების მომზადების საქმეში; შემდგომ წლებში იყო ზოგადი და თეორიული ელექტროტექნიკის კათედრის მდივანი და კათედრის გამგის მოადგილე; ეწეოდა ნაყოფიერ სამეცნიერო მოღვაწეობას რკინიგზის ტრანსპორტის ელექტრიფიკაციის სამეცნიერო მიმართულებით; 1980 წელს შეუერთდა კათედრაზე ფუნქციონირებად სამეცნიერო-კვლევით ჯგუფს და მუშაობდა მაგნიტურ-იმპულსური ტექნოლოგიური დანადგარების დამუშავებაზე. გამოქვეყნებული აქვს 52 სამეცნიერო და სასწავლო-მეთოდური ნაშრომი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.408

• ელექტროტექნიკის თეორიული საფუძვლები: (საანგარიშო-გრაფიკ. დავალებები და მეთოდ. მითითებები ეთს-ის მესამე ნაწილში) : დამხმ. სახელმძღვ. (ავტორი). - თბილისი, ტექნ. უნ-ტის გამ-ბა, 1997. - 56გვ.