სვეტლანა ჭავჭანიძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელექტრომექანიკოსის კვალიფიკაციით 1962 წელს.

მუშაობა დაიწყო თბილისის მანქანათმშენებლობის ტექნიკუმში, სადაც კითხულობდა ლექციებს ელექტროტექნიკაში. 1965 წლიდან - ამიერკავკასიის ენერგოსისტემების გაერთიანებულ სადისპეტჩერო სამმართველოში რეჟიმების სამსახურის ინჟინერი; 1972 წლიდან - უფროსი ინჟინერი, ინფორმაციის სამსახურის ჯგუფის უფროსი; 1978 წლიდან - ინფორმაციის სამსახურის უფროსი; 1994-2002წწ. სამმართველოს რეორგანიზაციის შედეგად დაფუძნებული სს "საქართველოს, აზერბაიჯანის, სომხეთისა და რუსეთის ენერგოსისტემების პარალელური მუშაობის კოორდინაციისა და მართვის ცენტრის" (სს "პონტოელის") ინფორმაციისა და სტატისტიკის სამსახურის უფროსი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.410-411