სანდრო კოტორაშვილი

დაბადების ადგილი: სოფელი ახშანი, ახმეტის მუნიციპალიტეტი.

დაამთავრა ფიზკულტურის ინსტიტუტთან არსებული მწვრთნელთა სკოლა მძლეოსნობისა და ფეხბურთის განხრით 1966 წელს;  ა. ს. პუშკინის სახელობის პედაგოგიური ინსტიტუტი 1977 წელს.

ალექსანდე კოტორაშვილმა სპორტულ ფოტოგრაფიაში მოღვაწეობა დაიწყო 1957 წლიდან. 60-იან წლებში მუშაობდა კინოსტუდია "ქართულ ფილმში", 1975 წლიდან  იყო პროფესიული სპორტული ჟურნალის "მართვეს" კორესპონდენტი, 1977 წლიდან კი გაზეთ "ლელოს" კორესპონდენტი. მან არაერთი მნიშვნელოვანი, საქართველოში თუ საზღვარგარეთ ჩატარებული საერთაშორისო შეჯიბრი გადაიღო, არის მრავალი სპორტული ფოტოკონკურსის მონაწილე და გამარჯვებული. ალექსანდრე კოტორაშვილის ერთ-ერთი ცნობილი ნამუშევარი "საფეხბურთო ბალეტი" გამოფენილია "უეფას" შტაბ-ბინაში. მან მნიშვნელოვანი წვლილი შეიტანა ქართული სპორტული ფოტოგრაფიის განვითარების საქმეში, არის ქართული სპორტის უნიკალური ფოტოარქივის მფლობელი. 2023 წელს ალექსანდრე კოტორაშვილის 80 წლის იუბილესთან დაკავშირებით საქართველოს კულტურის, სპორტისა და ახალგაზრდობის სამინისტროსა და საქართველოს სპორტულ ჟურნალისტთა ასოციაციის მხარდაჭერით გამოიცა წიგნი "ალექსანდრე კოტორაშვილი 80" (თბილისი, 2023 წელი, 100გვ.). ფოტოხელოვანი.

წყარო: საზოგადოებრივი მაუწყებელი – საქართველოს პირველი არხი: 1tv.ge; ახალი ამბების სააგენტო "ჯი-ეიჩ-ენი": ghn.ge; issuu.com; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.191

• საქართველოს ჟურნალისტთა ასოციაცია, წევრი

• 2023 - თბილისის საპატიო მოქალაქე
• 2013 - ალექსანდრე როინიშვილის სახელობის პრემია
  ქართულ ფოტოგრაფიაში სპორტული ჟანრის განვითარებაში შეტანილი წვლილისათვის
• 2002 - საქართველოს სპორტის დამსახურებული მუშაკი
• ღირსების ორდენი
• საქართველოს დამოუკიდებელ ჟურნალისტთა პრემია
• მიხეილ კაკაბაძის სახელობის პრემია
• ღირსების მედალი