მიხეილ ლომთაძე

დაბადების ადგილი: ქ. ბათუმი.

ბაკალავრის ხარისხი თბილისში, საქართველოს მენეჯმენტის ევროპულ სკოლაში მიიღო, შემდეგ კი სწავლა ამერიკის შეერთებული შტატების ჰარვარდის ბიზნესსკოლაში განაგრძო, რომელიც 2002 წელს მაგისტრის MBA ხარისხით დაასრულა; 1997 წელს მოიპოვა European School of Management-ის (საქართველო) BBA ხარისხი და 2002 წელს მოიპოვა Harvard Business School-ის MBA ხარისხი.

1995-2000წწ. სტუდენტობისას დააარსა თბილისში აუდიტორული და საკონსულტაციო კომპანია Georgia Consulting Group Audit; 2002 წელს კომპანია გახდა Ernst & Young გლობალური ქსელის ნაწილი; 2002-2004წწ. საინვესტიციო პროექტების მენეჯერი კომპანიაში Baring Vostok Capital Partners; 2004-2016წწ. Baring Vostok Capital Partners კომპანიის პარტნიორი; მართავდა ინვესტიციებს ისეთ კომპანიებში, როგორც ევროპლანი, ფინანსური ტექნოლოგიების ცენტრი და კასპიის ბანკი; Kaspi.kz 2006 წლის 29 მაისიდან - Kaspi Bank-ის, ყოფილი სს ბანკი "კასპიიისკი"-ს, დირექტორთა საბჭოს წევრი, გამგეობის თავმჯდომარე (2007-2028); 2006-2010წწ. რუსეთის ფინანსური ტექნოლოგიების ცენტრის გამგეობის წევრი; 2013 წლის თებერვალში მიხეილ ლომთაძემ ვიაჩესლავ კიმთან ერთად 15 მილიონ აშშ დოლარად შეიძინა ერთობლივი კომპანია "კოლიოსა, შინი, მარკეტ", რომელშიც სამეთვალყურეო საბჭოს თავმჯდომარე გახდა; 2017 წლის მარტში ვიაჩესლავ კიმმა და მიხეილ ლომთაძემ პროექტს "დავამარცხებთ აუტიზმს" საჩუქრად გადასცეს კაპიტალური გარემონტებული შენობა 1400 კვადრატული მეტრი ფართობით; 2017 წელს მიხეილ ლომთაძემ 1 მლრდ. რუბლზე მეტი ინვესტიცია მოახდინა მეორადი მანქანების საცალო ქსელში Automama.ru; 2018 წლიდან სს Kaspi.kz-ის აქციონერი და გამგეობის თავმჯდომარე; მისი ხელმძღვანელობით შექმნილი Kaspi.kz ეკოსისტემა, აერთიანებს უამრავ სერვისებს ფიზიკური პირებისთვის და საცალო ვაჭრობის ორგანიზაციებისთვის; სტანდარტული საბანკო პროდუქტების (დეპოზიტების, სესხების, გადარიცხვების) გარდა შემოთავაზებულია საქონლის ყიდვა-გაყიდვის ინტერნეტ პლატფორმა და საბანკო მობილური დანართი; ყაზახური ბიზნეს-პრესის დამკვირვებლების აზრით, Kaspi.kz მიხეილ ლომთაძეს ხელმძღვანელობით არის ერთ-ერთი ყველაზე წარმატებული პროექტი ყაზახეთში და მნიშვნელოვან როლს თამაშობს მეორე დონის ყაზახური ბანკების ევოლუციის პროცესში მარკეტფლეისებად გადაქცევაში; 2021 წლის თებერვალში მონაწილეობა მიიღო ყოველწლიური საერთაშორისო ფორუმის "Digital Almaty 2021: ციფრული გადატვირთვა: ნახტომი ახალ რეალობაში" პლენარულ სესიაზე, რომელზეც პოლიტიკურმა ლიდერებმა, მსხვილი IT კომპანიების ხელმძღვანელებმა და ასევე საერთაშორისო ექსპერტებმა განიხილეს ევრაზიის ეკონომიკური კავშირის ციფრული დღის წესრიგი; 2019 წლის მაისში შეუერთდა ჰარვარდის ბიზნეს სკოლის მრჩეველთა საბჭოს ცენტრალურ აზიაში, თურქეთში, ახლო აღმოსავლეთში და ჩრდილოეთ აფრიკაში. მიღებული აქვს ჯილდოები: ეკონომიკისა და შიდა საბანკო სისტემის განვითარებაში მნიშვნელოვანი წვლილისთვის ორდენი "კურმეტი" (2014 წლის 22 დეკემბერი), ყაზახეთის სოციალურ-ეკონომიკურ განვითარებაში შეტანილი მნიშვნელოვანი წვლილისთვის დოსტიკის "ორდენი" (2021 წლის 13 დეკემბერი), Kazakhstan Growth Forum-ის მიხედვით 2018 წლიდან 2021 წლამდე - აღიარებულია ყაზახეთის საუკეთესო აღმასრულებელ დირექტორად, 2019-2021წწ. აღიარებულია ყაზახეთის ბიზნესის საუკეთესო ლიდერად, Covid-19 პანდემიის წინააღმდეგ ბრძოლაში შეტანილი მნიშვნელოვანი წვლილისთვის გადაეცა მედალი "Халық алғысы" (24 ივნისი, 2020), 2020 წელს Forbes Kazakhstan-ის რედაქტორებმა ერთდროულად გამოაცხადეს ორი მეწარმე - Kaspi.kz-ის დამფუძნებელი ვიაჩესლავ კიმი და კომპანიის გამგეობის თავმჯდომარე მიხაილ ლომთაძე "წლის ბიზნესმენის" ტიტულის ლაურეატებად; Forbes Kazakhstan-ის თანახმად მ. ლომთაძე იკავებს მესამე ადგილს რეიტინგში "ყაზახეთის 50 უმდიდრესი ბიზნესმენი" 3 900 მლნ $ ქონებით და მე-10 ადგილს რეიტინგში "ყაზახეთის ყველაზე გავლენიანი ბიზნესმენები". 2021 წელს პირველად მოხვდა Forbes-ის მილიარდერების გლობალურ სიაში და 956-ე ადგილი დაიკავა. ტექნოლოგიური მეწარმე, ინვესტორი.

წყარო: განათლება: edu.aris.ge; ბიზნესისა და ეკონომიკის სიახლეების ვებ-გვერდი "ბიზნესპრესნიუსი": bpn.ge; tabula.ge; ბიზნეს ფორმულა: businessformula.ge