ნინო ჯიშკარიანი

დაბადების ადგილი: ქ. თბილისი.

მიღებული აქვს თბილისის სახელმწიფო სამხატვრო აკადემიის ხარისხი. ასწავლის ხატვასა და ხელწერას. 

მუშაობს ფერწერის, დაზგური გრაფიკისა და გრაფიკული დიზაინის სფეროში, ქმნის ექსლიბრისებს. ავტორია სარეკლამო აფიშებისა კინომსახიობთა თეატრისათვის (1984-1985), გაფორმებული აქვს ათობით წიგნი, თანამშრომლობს გამომცემლობებთან: "ნაკადული", "მერანი", "საბჭოთა საქართველო". გარდა მხატვრობისა, აქტიურადაა ჩაბმული ქართული გრაფიკული ხელოვნების განვითარების პროცესების კვლევაში. მისი ავტორობით სამ ნაწილად იქნა განხორციელებული ორენოვანი, უხვად ილუსტრირებული მნიშვნელოვანი გამოცემები, რომლებიც მიეძღვნა ქართული წიგნის ხელოვნებას ("ქართული წიგნის ხელოვნება". წიგნი I. 2013; წიგნი II. 2015; ილუსტრაცია. წიგნი III. 2015 ). ამ გამოცემებში ასახულია XX საუკუნის წიგნის გაფორმების, კონსტრუირების, სატიტულო შრიფტებისა და ილუსტრირების შექმნისა და განვითარების ისტორია. გარდა ამ წიგნებისა, თანაავტორია მერაბ გეწაძესთან ერთად სპეციალურად 2018 წლის ფრანკფურტის წიგნის ბაზრობისთვის მომზადებული ორენოვანი (ქართულ-ინგლისური ) წიგნისა: "Georgian TYPE for grapic designers. ქართული შრიფტი გრაფიკული დიზაინისათვის" (ვარშავა ), რომელიც განკუთვნილია გრაფიკოს დიზაინერებისათვის. გამოსცა ასევე წიგნი: "Georgian book art. ქართული წიგნის ხელოვნება. XX-XXI" (ვარშავა). 1984 წლიდან აქტიურად მონაწილეობს საქართველოსა და საზღვარგარეთ მოწყობილ გამოფენებში, მათ შორის: თბილისის სახელმწიფო სამხატვრო აკადემია, მედიარტის ფაკულტეტი, თბილისი (2013); ჩემი ფუნიკულიორი, თიბისი გალერეა, თბილისი (2013); მსახიობთა თეატრი, თბილისი (2012); კლიმატის ცვლილება, თბილისი (2009); აშშ საელჩო, თბილისი (1998) და სხვ.

წყარო: ხელოვნების მუზეუმის ახალი კოლექცია, 2021-2022 = New collection of the Museum of Fine Arts. -თბ.,2022. - გვ. 248-249; ახალი და უახლესი ქართული ვიზუალური ხელოვნების პორტალი: art.gov.ge; ხელოვან ქალთა ციფრული გამოფენის კვირეული: weekofart.com; imagomundicollection.org

• ქართული წიგნის ხელოვნება XX-XXI = Georgian Book Art XX-XXI (თანაავტორი) // ალბომი. - Warszawa, PWN, 2018. - 220გვ.. - ISBN: 9788301203085
• ქართული შრიფტი გრაფიკული დიზაინერებისთვის = Georgian type for graphic designers (თანაავტორი). - თბილისი, 2018. - 196გვ.. - ISBN: 9788301203078
• ქართული წიგნის ხელოვნება, XX საუკუნე = Georgian book art, XX century : ილუსტრაცია (ავტორი) // წიგნი 3. - თბილისი, შპს "სეზანი", 2015. - 168gv.. - ISBN: 9789941079665
• ქართული წიგნის ხელოვნება, XX საუკუნე = Georgian book art, XX century. : სატიტულო შრიფტი XX საუკუნე; წიგნის გაფორმება, კონსტრუირება (ავტორი) // წიგნი 2. - თბილისი, მერიდიანი, 2014. - 132გვ.. - ISBN: 9789941109416
• ქართული წიგნის ხელოვნება, XX საუკუნე = Georgian book art, XX century : წიგნის გაფორმება. სატიტულო შრიფტები 1888-2008 (ავტორი) // წიგნი 1. - თბილისი, მერიდიანი, 2013. - 117გვ.. - ISBN: 9789941108037