კოტე ჯინჭარაძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემია.

1992-1996 წლებში ცხოვრობდა და მუშაობდა სანკტ-პეტერბურგში; 1996–1997 წლებში მოსკოვში; 2001 წლიდან თბილისის სამხატვრო აკადემიის პროფესორია; 2000-იანი წლების განმავლობაში, სხვადასხვა სახელწოდებით მხატვრის გამოფენები მოეწყო არაერთ სახელოვნებო სივრცეში: "OBJECT SPACE" - Rouin გალერეა (ჟენევა, შვეიცარია, 2011 ), "დუმილი თანხმობის ნიშანია" - პერფორმანსი (პონტ-ნეფი, პარიზი, საფრანგეთი, 2011), "დროის სუბსტანციები"; მუშაობს კონცეპტუალური ხელოვნების მიმართულებით; მისი პროექტებისა და გამოფენების მთავარი თემაა მნიშვნელოვანი ეპოქალური გამოგონებები; ეს გამოგონებები პირველყოფილი ადამიანის ცეცხლის ასანთები ნაკეთობა, თუ თანამედროვე ურთულესი მექანიზმები, მინიმალისტური გამომსახველობითი საშუალებებით მის მიერ შესრულებულ ფერწერულსა და გრაფიკულ ნახატებში მოგვაგონებს ნაცნობსა თუ უცნობ დანადგარებსა და საგნებს; მხატვრის მიერ ამ ფორმით შემოთავაზებული პროექტები მნახველს აძლევს ფიქრისა და განსჯის საშუალებას; საინტერესოა მისი პოლიტიკურ-სოციალური აქცია-პერფორმანსებიც, მაგალითად: 2013 წელს ლიტვაში, ქალაქ ვილნიუსში, ჩატარებული აქცია-პერფორმანსი "დუმილი თანხმობის ნიშანია" ან 2014 წელს თბილისში კანცელარიის შენობასთან მუშათა უფლებების დასაცავად მოწყობილი პერფორმანსი "წყლის ნაყვა"; 2005 წელს რაჭაში დააფუძნა პირველი საერთაშორისო თანამედროვე ხელოვნების ფესტივალი "არტრა" და რეგიონის მუზეუმებსა და სახელოვნებო დაწესებულებებთან თანამშრომლობით ყოველწლიურ ღონისძიებებს მასპინძლობს.

წყარო: ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 152-153; ახალი და უახლესი ქართული ვიზუალური ხელოვნების პორტალი: art.gov.ge; artcaucasus.com