გურამ ჭუმბურიძე

დაბადების ადგილი: ქ. თერჯოლა.

დაამთავრა საქართველოს პოლიტექნიკური ინსტიტუტი ინჟინერ-ენერგეტიკოსის კვალიფიკაციით 1960 წელს.

1960 წლიდან -  ინსტიტუტი "ენერგოქსელპროექი", ინჟინერი, უფროსი ინჟინერი, ჯგუფის ხელმძღვანელი, ელექტროსისტემების დაგეგმარების განყოფილების უფროსი, ინტიტუტის მთავარი ინჟინერი, დირექტორის მოადგილე, 1999 წლიდან - დირექტორი. მნიშვნელოვანი წვლილი მიუძღვის საქართველოს ელექტროფიკაციის განვითარების საქმეში: დაასაბუთა ენგურჰესის 220 კვ ღია გამანაწილებელი მოწყობილობების შექმნის აუცილებლობა, რითაც განხორციელდა სიმძლავრისა და ელექტროენერგიის ოპტიმალური განაწილება აღნიშნულ კვანძში; ჩაატარა ელექტრული რეჟიმების გაანგარიშებები 35-110, 220, 330 და 500 კვ ქსელებზე, რითაც დადგინდა, რომ საქართველოს ენერგოსისტემაში ძაბვების ნორმალური სიდიდეების მისაღწევად და გადამეტძაბვების თავიდან ასაცილებლად საჭიროა მთელ რიგ 500 კვ სიმძლავრის ქვესადგურზე 500 კვ რეაქტორების დადგმა; მისი ხელმძღვანელობით და უშუალო მონაწილეობით განხორციელდა 500 კვ ძაბვის ელექტროგადამცემი ხაზის "თბილსრესი-ახალციხე-დიდი ზესტაფონისა" და 500/400 კვ ძაბვის ელექტროგადამცემი ხაზის "ზესტაფონი-ენგურჰესი" დაგეგმარება. ეწეოდა პედაგოგიურ საქმიანობას საქართველოს ტექნიკურ უნივერსიტეტში. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.423

• საქართველოს ენერგეტიკის აკადემია, ნამდვილი წევრი

• ღირსების ორდენი
• საქართველოს დამსახურებული ინჟინერი