მაია თოიძე

დაბადების ადგილი: სოფელი კონჭკათი, მახარაძის რაიონის (ახლანდელი ოზურგეთის მუნიციპალიტეტი).

დაამთავრა ბათუმის შოთა რუსთაველის სახელმწიფო უნივერსიტეტი დაწყებითი კლასების მასწავლებლის კვალიფიკაციით 1994 წელს; ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიის ფაკულტეტის ასპირანტურა 2001 წელს, სადაც ჩააბარა საკანდიდატო ხარისხით გათვალისწინებული მინიმუმის გამოცდები; საქართველოს ტექნიკური უნივერსიტეტის დოქტორანტურა 2021 წელს და მიენიჭა სოციალური მეცნიერებების დოქტორის აკადემიური ხარისხი.

სადისერტაციო თემა - "პერსონალის მოტივაციისა და ორგანიზაციული ერთგულების შესწავლა განთავსების ობიექტებში (აჭარის ავტონომიური რესპუბლიკის მაგალითზე).

1995-2000წწ. იყო ბათუმის ინდუსტრიულ-პედაგოგიური კოლეჯის ფსიქოლოგიის მასწავლებელი; 2005-2006წწ. აჭარის ავტონომიური რესპუბლიკის განათლების, კულტურის და სპორტის სამინისტრო, ბავშვზე ზრუნვისა და ომბუდსმენის განყოფილების მთავარი სპეციალისტი; 2006-2007წწ. აჭარის ავტონომიური რესპუბლიკის განათლების, კულტურის და სპორტის სამინისტრო, გენერალური ინსპექციის მთავარი სპეციალისტი; 2007-2010წწ. ეკავა ბათუმის პროფესიული სწავლების ცენტრის დირექტორის თანამდებობა; 2010 წლიდან დღემდე არის ბათუმის პროფესიული კოლეჯი "ბლექსის" დირექტორის მოადგილე; 2021 წლიდან - სსიპ განათლების ხარისხის განვითარების ეროვნული ცენტრი, პროფესიული საგანმანათლებლო დაწესებულების ავტორიზაციის ექსპერტი; 2000 წლიდან არის ბათუმის სახელმწიფო უნივერსიტეტის მასწავლებელი, 2022 წლიდან კი ბათუმის სახელმწიფო უნივერსიტეტის ასისტენტ პროფესორი; გერმანიის საერთაშორისო თანამშრომლობის საზოგადოების (GIZ) დუალური პროგრამების დანერგვის მხარდაჭერის მონაწილე.

წყარო: ბათუმის შოთა რუსთაველის სახელმწიფო უნივერსიტეტი: bsu.edu.ge