ვიქტორ სიდამონ-ერისთავი

ვიქტორ სიდამონ-ერისთავის დიდი ბაბუა, სვიმონ (სიკო) სიდამონ-ერისთავი, აშშ-ში პირველი ქართული დიასპორული ორგანიზაციის ერთ-ერთი დამფუძნებელი იყო, ხოლო ბაბუა, კონსტანტინე (კონი) ერისთავი კი ნიუ იორკის ვიცე-მერი იყო, მას ამერიკელი მეუღლე ჰყავდა. ვიქტორ სიდამონ-ერისთავმა 2006 წელს დაიწყო კალიფორნიაში ღვინის წარმოება. 2018 წლის 2 ივნისს, სან-ფრანცისკოში "Eristavi Winery"-ში გაიმართა ღონისძიება, რა დროსაც საქართველოს საელჩომ აშშ-ში და საქართველოს გენერალურმა საკონსულომ სან ფრანცისკოში ერთობლივად უმასპინძლეს საქართველოს დამოუკიდებლობის აღსანიშნავ მიღებას, რომელსაც კალიფორნიის შტატის ქართული დიასპორის წარმომადგენლები და საქართველოს ამერიკელი მეგობრები დაესწრნენ. ვიქტორ სიდამონ-ერისთავის "Eristavi Winery"-ში უამრავი ღონისძიება ეწყობა, რომელიც მიზნად ისახავს ქართული კულტურის, ტრადიციებისა და ენის პოპულარიზაციას: "ხალხს ვუხსნით ღვინის კულტურაზე, ვლაპარაკობთ საქართველოზე, ვუჩვენებთ ქართულ ფილმებს. ხშირად მოდიან სოციალური მედიის ორგანიზაციები, მათ ვესაუბრებით ქართული სუფრის წესებზე, თუ რატომ არის ის ასეთი განთქმული"- აღნიშნავდა ვიქტორ სიდამონ-ერისთავი.

წყარო: Mission Local - დამოუკიდებელი საინფორმაციო საიტი: missionlocal.org; eristaviwinery.com