უშანგი ხაგულაშვილი

დაბადების ადგილი: სოფელი ვაშლოვანი, თეთრი წყაროს რაიონი.

დაამთავრა თბილისის ნავთობის ტექნიკუმი 1956 წელს; ქ. გროზნოს ნავთობის ინსტიტუტი, სპეციალობით "ნავთობისა და გაზის საბადოების დამუშავება და ექსპლუატაცია". 

მუშაობდა ქ. გროზნოში ნავთობის მოპოვების ოპერატორად, ოსტატად, ჭაბურღილების კაპიტალური შეკეთების საამქროს უფროსად; 1975 წლიდან იყო საწარმოო გაერთიანება "საქნავთობის" ნავთობის მოპოვების სამმართველოს მთავარი ინჟინერი; 1982 წლიდან ამავე სამმართველოს უფროსი; 1992-1996წწ. მრავალდარგოვანი მცირე საწარმოს "ლილოსერვისის" უფროსი; 1996 წლიდან "ქართულ-ბრიტანული ნავთობის კომპანიის" მოპოვების მენეჯერი; 2009 წლიდან შპს "ნინოწმინდის ნავთობკომპანიის" ტრანსპორტირებისა და ნავთობის მომზადების მენეჯერი; 1979-1996წწ. კითხულობდა ლექციებს საქართველოს პოლიტექნიკურ ინსტიტუტში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.428

• 2003 - ღირსების მედალი
• 1980 - ღირსების ორდენი