გელა ჩართოლანი

დაბადების ადგილი: ქ. მესტია.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1983 წელს; ორდინატურა 1989 წელს.

1983 წელს მუშაობა დაიწყო ქ. თბილისის პირველი საავადმყოფოს ქირურგიულ განყოფილებაში; 1984 წელს დაბრუნდა თავის მშობლიურ რაიონში და მუშაობა დაიწყო მესტიის რაიონულ საავადმყოფოში ქირურგად; 1985 წელს საქართველოს ჯანმრთელობის დაცვის მინისტრის ბრძანებით მეანგინეკოლოგიის დარგში კვალიფიკაციის ამაღლების მიზნით, გადაყვანილი იქნა სამუშაოდ ქ. თბილისში ჩაჩავას სახელობის მეანგინეკოლოგიის სამეცნიერო-კვლევით ინსტიტუტში; 1989 წელს სამუშაოდ დაბრუნდა მესტიის რაიონში; 1996-2005წწ. მუშაობდა მესტიის რაიონული სამშობიარო სახლის მთავარ ექიმად, შემდეგ მესტიის რაიონული საავადმყოფოს სამშობიარო განყოფილების გამგედ; ფლობს რამდენიმე სპეციალობას როგორიცაა: მეანგინეკოლოგია, საზოგადოებრივი ჯანდაცვა და ჯანდაცვის ორგანიზაცია, გენიტალური ორგანოების ულტრაბგერითი დიაგნოსტიკა და ა.შ. დაჯილდოებულია საქართველოს მეანგინეკოლოგთა და პარინატოლოგთა ასოციაციის საპატიო სიგელით.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.416