სერგო ხეთაგური

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი.

მუშაობა დაიწყო თბილისის ელექტრო-ვაგონშემკეთებელ ქარხანაში სამშენებლო საამქროს უფროსად; შემდგომში - თბილისის ელექტროტექნიკურ ქარხანაში კაპიტალური მშენებლობის განყოფილების უფროსად. მუშაობდა ასევე "საქენერგოს" საპროექტო ინსტიტუტის განყოფილების გამგედ. 1958 წელს მისი ინიციატივით ჩამოყალიბდა "საქენერგოს" სპეციალიზებული სამშენებლო-სარემონტო სამმართველო და 1968 წლამდე იყო მისი უფროსი. მისი ხელმძღვანელობით საქართველოს ენერგოსისტემაში აშენებულია მრავალი ენერგეტიკული, სამოქალაქო და სამრეწველო დანიშნულების ობიექტი. დაჯილდოებული იყო რესპუბლიკის უმაღლესი საბჭოს საპატიო სიგელით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.432-433