დამირ ხოფერია

დაამთავრა ქ. ფოთის ჰიდრომელიორაციული ტექნიკუმი ჰიდროტექნიკოსის კვალიფიკაციით 1958 წელს; საქართველოს პოლიტექნიკური ინსტუტიტის სამშენებლო ფაკულტეტი ინჟინერ-მშენებლის კვალიფიკაციით - 1968 წელს.

1965 წლიდან - თბილისის ნაგებობათა და ჰიდროენერგეტიკის სამეცნიერო-კვლევითი ინსტიტუტი, ლაბორანტი, ჯგუფის ხელმძღვანელი; 1969-1972წწ. მივლინებული იყო ენგურჰესის მშენებლობაზე ბეტონის და სამშენებლო მასალების ფიზიკო-მექანიკური მახასიათებლების დადგენის მიზნით; აქტიურად მონაწილეობდა ენგურჰესის ბეტონის საბოლოო ვარიანტის ჩამოყალიბებაში; 1972-1987წწ. - კაშხლის მშენებლობის დაწყებიდან იმყოფებოდა უშუალოდ მშენებლობაზე ნატურული დაკვირვებების განყოფილებაში ბეტონის და ბეტონის სამუშაოების კონტროლის ჯგუფის ხელმძღვანელად; 1988-1992წწ. - საქართველოს ენერგეტიკის და ჰიდროტექნიკურ ნაგებობათა სამეცნიერო-კვლევით ინსტიტუტში სხვადასხვა თანამდებობებზე; 1992 წლიდან - ინსტიტუტის ბაზაზე ჩამოყალიბებულ მცირე საწარმო "დიანდჰესი"; 1999 წლიდან - ნაგებობათა დიაგნოსტიკის და მონიტორინგის ცენტრ სს "დიანდჰესში" უფროსი მეცნიერ-მუშაკი, დირექტორის მოადგილე; პარალელურად 2006-2009წწ. - საქართველოს ენერგეტიკის და ენერგეტიკულ ნაგებობათა სამეცნიერო-კვლევით ინსტიტუტში ნაგებობათა დიაგნოსტიკის განყოფილების უფროსის მოადგილე; 1991-2000წწ. მონაწილეობდა კვლევით და საპროექტო სამუშაოებში: "ენგურის კაშხლის მონიტორინგის რეაბილიტაციის პროექტი" (საქართველო-შვეიცარია), "საქართველოს კაშხლებზე და წყალსაცავებზე გეოფიზიკური კვლევების და მონიტორინგის ჩატარება" (საქართველო-იტალია), "ენგურჰესის რეაბილიტაციის პროექტი (EBRD)", "ალგეთის და სიონის წყალსაცავების რეაბილიტაციის პროექტი" (მსოფლიო ბანკი, საქართველოს მუნიციპალური განვითარების ფონი). გამოქვეყნებული აქვს სამეცნიერო ნაშრომები, მონაწილეობდა რეგიონალურ სამეცნიერო-კვლევით კონფერენციებში".

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.439-440