ჯუზეპე ჯუდიჩე

 ჯუზეპე ჯუდიჩე 1631 წელს არქანჯელო ლამბერტისთან ერთად ქართლში, გორში, ჩავიდა. 1633 წელს ორივე ახალციხისა და გურიის გავლით სამეგრელოში ჩავიდა. აქ დაიწყო ჯუდიჩემ სამისიონერო საქმიანობა, სწავლობდა მეგრულ ენასა და საექიმო საქმიანობას ეწეოდა ლევან II დადიანის დავალებით. ჯუზეპე ჯუდიჩე 1643 რომში პაპ ინოკენტი X-თან ჩავიდა სარწმუნოებრივ-პოლიტიკური ურთიერთობის გაძლიერების მიზნით. დაბრუნებისას თანამგზავრებთან ერთად ოსმალეთში დაატყვევეს, გარდაიცვალა იქვე, კონსტანტინეოპოლში. სამეგრელოში ყოფნის პერიოდში შეადგინა რელაციონები და რომს გააგზავნა. არქანჯლო ლამბერტის "სამეგრელოს აღწერასთან" ერთად ჯუდიჩეს წერილები უძვირფასესი წყაროა XVII საუკუნის სამეგრელოს და საერთოდ საქართველოს პოლიტიკური, ეკონომიკური და კულტურის ისტორიის შესასწავლად. პატრი, თეათინელთა ძმობის წევრი, მისიონერი.

წყარო: ქართული საბჭოთა ენციკლოპედია, ტ. 11.- თბ., 1987.-გვ.578; ღვთისკაცები : თეათინელი მისიონერების ღვაწლი დასავლეთ საქართველოში // ჩვენი მწერლობა. - თბ., 2013. - 23 აგვისტო. - N17(199). - გვ.72 

• რელაცია საქართველოზე (XVII საუკუნე) (ავტორი). - თბილისი, უნივერსალი, 2014. - 108გვ.