დონ ხუან სპარსელი

შაჰ-აბასის მიერ 1599 წელს ესპანეთში გაგზავნილი ელჩობის მონაწილე (XVI საუკუნის II ნახევარი -XVII საუკუნის I მეოთხედი), წარმოშობით ყიზილბაშური ტომიდან იყო. ესპანეთში მიიღო ქრისტიანობა და საბოლოოდ იქ დარჩენის სურვილი გამოთქვა. იგი კარგად იცნობდა ირანის პოლიტიკურ ვითარებას. შეადგინა ირანის აღწერილობა ევროპელთათვის. დონ ხუან სპარსელის თხზულებაში არის ცნობები საქართველოსა და ირანში მოღვაწე ქართველების, კერძოდ, ალავერდი-ხან უნდილაძის შესახებ.

წყარო: ქართული საბჭოთა ენციკლოპედია, ტ. 3.-თბ., 1978.- გვ.624