აბესალომ ჯაბუა

დაბადების ადგილი: ქ. ზუგდიდი.

დაამთავრა მოსკოვის ტექნოლოგიური ინსტიტუტი ინჟინერ-მექანიკოსის სპეციალობით.

1970 წლიდან მუშაობდა ენგურჰესის მშენებარე კაშხლის დირექციაში. აქტიურად მონაწილეობდა ენგურჰესის და ვარდნილჰესის აგრეგატების სამონტაჟო სამუშაოების წარმოებაში. 1970 წლიდან - ენგურჰესის კასკადის ჰესების უფროსის მოადგილე; 1976-1992წწ. დასავლეთ საქართველოს სარემონტო საამქროს უფროსი; 1992 წლიდან - სს "საქენერგორემონტის" ენგურჰესის და ვარდნილჰესის კასკადის სარემონტო საამქროს უფროსი. მისი ხელმძღვანელობით საამქრო აწარმოებდა აფხაზეთის რეგიონის ტერიტორიაზე არსებული ყველა ელექტროსადგურის აგრეგატების რემონტს.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.444