ვაჟა ჯამარჯაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-თბოენერგეტიკოსის კვალიფიკაციით 1967 წელს.

გაიარა ასპირანტურის კურსი გ.მ. კრჟიჟანოვსკის სახელობის მოსკოვის ენერგეტიკის სამეცნიერო-კვლევით ინსტიტუტში; 1971-1974წწ. - ამავე ინსტიტუტის უმცროსი მეცნიერ-თანამშრომელია; 1974 წლიდან მუშაობდა საქართველოს ენერგეტიკისა და ენერგეტიკულ ნაგებობათა სამეცნიერო-კვლევით ინსტიტუტში; ხელმძღვანელობდა თბო და არატრადიციული ენერგეტიკის განყოფილებას; 1995 წლიდან იყო საქართველოს ენერგეტიკის აკადემიის თბო და ატომური ენერგეტიკის განყოფილების ხელმძღვანელი და პრეზიდიუმის წევრი; სამეცნიერო-კვლევითი მოღვაწეობის სფერო: ორფაზა ნაკადების თერმოგაზოდინამიკა; ენერგეტიკულ მოწყობილობებში თბოფიზიკური პროცესების პრობლემები; განახლებადი ენერგიის წყაროების ენერგეტიკა; თბო და ატომური ელექტროსადგურების თერმოდინამიკა. კოლეგებთან ერთად საფუძველი ჩაუყარა ახალ, სინერგეტიკულ მიმართულებას ენერგეტიკაში; იყო საქართველოში პირველი, 110 მვტ სიმძლავრის აირტურბინული ელექტროსადგურის მშენებლობის განყოფილების უფროსი; მუშაობდა ამავე ელექტროსადგურის მართვისა და ექსპლუატაციის უფროსად. 90-ზე მეტი გამოქვეყნებული შრომების, ერთი მონოგრაფიის და 20 გამოგონების ავტორი, მათ შორის, დაპატენტებულის ამერიკის შეერთებულ შტატებში და გერმანიაში. ტექნიკურ მეცნიერებათა დოქტორი (1999), პროფესორი (2004).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.447

• საქართველოს ეკოლოგიურ მეცნიერებათა აკადემია, წევრ-კორესპონდენტი
• საქართველოს ენერგეტიკის აკადემია, აკადემიკოსი
• საქართველოს საინჟინრო აკადემია, წევრ-კორესპონდენტი

• ნარჩენი ბიომასის ენერგეტიკული პოტენციალი საქართველოში (კადასტრი) : მონოგრაფია (თანაავტორი). - თბილისი, ტექნ. უნ-ტი, 2013. - 197გვ.. - ISBN: 9789941202117