გურამ ჯაფარიძე

დაამთავრა საქართველოს პოლიტექნიკური ინსტიტუტის ელექტრონული ტრანსპორტის ფაკულტეტი 1961 წელს.

1961-1962წწ. იყო თბილისის ელმავალმშენებელი ქარხნის საკონსტრუქტორო ბიუროს ინჟინერი; 1962-1974წწ. სოფლის მეურნეობის ელექტრიფიკაციის საკავშირო ინსტიტუტის ასპირანტი, მეცნიერ-თანამშრომელი, უფროსი მეცნიერ-თანამშრომელი; ტექნიკურ მეცნიერებათა კანდიდატი (1968); 1974-2000წწ. საქართველოს სოფლის მეურნეობის მექანიზაციისა და ელექტრიფიკაციის სამეცნიერო-კვლევითი ინსტიტუტის უფროსი მეცნიერ-თანამშრომელი, ლაბორატორიის გამგე, დირექტორის მოადგილე სამეცნიერო დარგში; 2000 წლიდან საქართველოს მეცნიერებათა ეროვნული აკადემიის სოფლის მეურნეობის მეცნიერებათა განყოფილების სწავლული მდივანი; მუშაობდა სასოფლო-სამეურნეო ელექტრომექანიზებული დანადგარების ხარისხიანი ელექტროენერგიით უწყვეტი მომარაგების საკითხებზე. მისი თანაავტორობით და მონაწილეობით დამუშავდა და რეალიზებულ იქნა ჩაის უნივერსალური სასხლავ-საკრეფი, მაღალი სიხშირის დენზე მომუშავე ხელის აპარტები დ მათი ელექტროენერგიით მომარაგების სისტემა (როგორც ცენტრალიზებული, ასევე ავტონომიური კვების წყარო). მუშაობდა სამეურნეო წარმოების მართვის ავტომატიზებული სისტემების და რესურსების განაწილების (ოპტიმალური და ობიექტური გადაწყვეტილების მიღება) საკითხებზე. გამოქვეყნებული აქვს 80-მდე სამეცნიერო ნაშრომი. არის 5 გამოგონების ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.449