ვლადიმერ ჯაფარიძე

დაბადების ადგილი: ქ. თბილისი.

1940 წელს სწავლობდა თბილისის სახელმწიფო უნივერსიტეტში ფიზიკა-მათემატიკის ფაკულტეტზე; 1941 წელს გადავიდა საქართველოს პოლიტექნიკურ ინსტიტუტში სამშენებლო ფაკულტეტზე ჰიდროსადგურების მშენებლობის განხრით, დაამთავრა 1948 წელს.

1946 წლიდან მუშაობდა ხრამჰეს-1-ის მშენებლობაზე; 1948-1951წწ. - საქართველოს ენერგეტიკის სამეცნიერო-კვლევითი ინსტიტუტში; 1951-1970წწ. - "თბილჰიდროპროექტში" ინჟინრად, პროექტის მთავარ ინჟინერად, დარიალჰესის და ჟინვალის კომპლექსური ჰიდროკვანძის პროექტის მთავარ ინჟინერად; 1952-1954წწ. - ხრამჰესი-II მშენებლობის მთავარი ინჟინრის მოადგილედ და საწარმოო-ტექნიკური განყოფილების უფროსად; 1957-1958წწ. მივლინებული იყო ჩინეთის სახალხო რესპუბლიკაში კონსულტანტ-მრჩევლად ენერგეტიკის და წყალთა მეურნეობის დარგში; 1958-1970წწ. იყო საქართველოს მინისტრთა საბჭოს უფროსი რეფერენტი ელექტროსადგურების (ძირითადად ენგურჰესის კასკადი) დაპროექტება-მშენებლობის დარგში; 1971-1985წწ. ჟინვალის კომპლექსური ჰიდროკვანძის გენერალური დირექტორი (მშენებლობის დაწყებიდან მისი ექსპლუატაციაში გაშვებამდე); 1985-1994წწ. კავკასიის საუღელტეხილო რკინიგზის მშენებლობაზე განყოფილების გამგე; 1994-2004წწ. ჟინვალის ჰიდროკვანძზე კონსტულტანტი. მრავალი სტატიისა და გამოკვლევის ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.449-450

• საქართველოს ენერგეტიკის აკადემია, აკადემიკოსი (2009-)
• საქართველოს ენერგეტიკული მრეწველობის სამეცნიერო-ტექნიკური საზოგადოება, პრეზიდიუმის წევრი

• საქართველოს დამსახურებული ინჟინერი