ლეილა კალაძე

დაბადების ადგილი: ქ. თბილისი.

დაამთავრა ვ. სარაჯიშვილის სახელობის სახელმწიფო კონსერვატორიის საფორტეპიანო განყოფილების სრული კურსი 1967 წელს. 1988 წელს ყოფილი საბჭოთა კავშირის უმაღლესი საბჭოს საკავშირო საატესტაციო კომისიამ მიანიჭა პედაგოგიურ მეცნიერებათა კანდიდატის ხარისხი თემაზე - "მრავალხმიანი ქართული ხალხური სიმღერა უმცროსი სასკოლო ასაკის მოსწავლეთა პოლიფონიური სმენის ფორმირებაში (I-II კლ.)".

სხვადასხვა დროს გამოქვეყნებული აქვს სამეცნიერო ნაშრომები, მონაწილეა მრავალი სამეცნიერო კონფერენციისა, მუსიკალური სასწავლებლის მოსწავლეებთან ერთად ჩატარებული აქვს მრავალი საჩვენებელი კონცერტი. გამომცემლობა "ლეგა"-მ 2011 წელს გამოსცა ლ. კალაძის მიერ დამუშავებული და შედგენილი სამენოვანი (ქართული, რუსული, ინგლისური) კრებული - ანთოლოგია "პოლიფონიური პიესები ბავშვებს (აგებულია ქართული ხალხური სიმღერების საფუძველზე )", კრებული განკუთვნილია სამუსიკო სკოლების I-II კლასების სახელმძღვანელოდ. მოზარდი თაობის აღზრდაში შეტანილი ღვაწლისათვის, ლეილა კალაძე 2017 წელს დაჯილდოვდა საქართველოს პროფკავშირული კულტურულ-საგანმანათლებლო დაწესებულებების შემოქმედთა კავშირის "ოქროს საპატიო ნიშნით".

• პოლიფონიური პიესები ბავშვებს [ნოტი] : აგებულია ქართული ხალხური სიმღერების საფუძველზე) : სამუსიკო სკოლების 1-2 კლასების სახელმძღვანელო (ავტორი). - თბილისი, ლეგა, 2011. - 324, [6]გვ.. - ISBN: 9789941919138